افغانستان شیعه عالم‌لری نینگ کینگشی بوگون مملکت جاری وضعیتی توغریسیده اوچینچی مصحلتی ییغینی نی کابل ده یولگه قویگن.
مذکور ییغین اشتراکچی‌لرینی طالبان گروهیدن بیللی ایسته‌کلری بار. اولر طالبان تامانیدن همه‌شمول و برچه قوم‌لرنینگ حضوری بولگن بیر حکومت تشکیل ایتیلیشی نی سوره‌شگن.
بیلیم یورت استادی مرضیه کاظمی نینگ بو ییغینده ایتیشیچه، ایش‌لرنی آلغه آلیب کیتیش اوچون مملکت یشاوچیلری تینگ حقوق و امتیازلرگه ایگه بولیش‌لری کیره‌ک.
شونینگدیک خانم کاظمی نینگ ایتیشیچه، شیعه مذهبی کیله‌جک نظام ده رسمیت گه تانیلیشی کیره‌ک.
بیزلرنینگ فیسبوک صحیفه‌میزگه باش اورینگ!
افغانستان شیعه عالم‌لری نینگ کینگش اعضاسی محمد اکبری نینگ مذکور ییغینده ایتیشیچه، بیر و تینچ افغانستان تشکیل ایتیلیشی اوچون طالبان سیاسی، اداری و اجتماعی بولیم‌لرده باشقه قوم‌لرگه هم سهم بیریلیشی کیره‌ک.
افغانستان شیعه عالم‌لری نینگ کینگشی بوندن آلدین هم بیر اعلامیه ترقه‌تیش بیلن طالبان دن بیرگن سوزلریگه عمل قیلیب و مملکت وضعیتی یخشی‌لنیشی اوچون سعی و حرکت قیلیش‌لرینی سوره‌گن ایدی.
