قندوز طالبان نظارتی گه اوتمه‌سیدن آلدین، مذکور ولایتده ۱۵ دن آرتیق تصویری، صوتی و چاپی رسانه فعالیت قیله‌دی ایدی، بیراق حاضر مذکور رسانه‌لردن یریمی فعالیت دن قالگن و اولرنینگ خبرچی‌لری اینیقسه عیال خبرچی‌لری ایش‌سیز بولیب اویده اولتیرگنلر.
قندوز ده خبرچیلرنینگ صنفی نهادلر مسئوللری نینگ ایتیش‌لریچه، بو ولایت طالبان طالبان نظارتی گه اوتمه‌سیدن آلدین کمیده ۵۰ عیال خبرچی بو ولایت رسانه‌لریده فعالیت قیله‌دی ایدی، بیراق حاضر اولردن قطاری خانه‌نشین بولیب و شونینگدیک باشقه بیر قطاری ایسه باشقه ولایت‌لرگه مهاجر بولگن.
مذکور خبرچی‌لردن بیری رویا (مستعار آت) نینگ ایتیشیچه، ۴ ییل قندوز محلی رادیولریدن بیری گه خبرچی صفتیده فعالیت قیلگن، بیراق بو ولایت طالبان نظارتی گه اوتگنیدن کیین فعالیت گه دوام بیره آلمه‌گن.
بیزلرنینگ فیسبوک صحیفه‌میزگه باش اورینگ!
اوشبو خبرچی نینگ ایتیشیچه، مذکور رسانه گه ایش‌لش بیلن عایله نینگ مالی نیازلرینی تأمین قیله‌دی ایکن، بیراق حاضر ایش نی قولدن بیریب و کوپینچه اقتصادی قیینچلیک‌لرگه روپه‌رو بولگن و شونینگدیک بلخ گه مهاجر بولیش گه زورلنگن.
قندوزلیک خبرچی‌لردن باشقه بیری نبیلا محمدی نینگ ایتیشیچه، ایکی ییل دن بویان مذکور ولایت محلی رادیولریدن بیری ده خبرچی صفتیده ایش قیلماقده ایکن. خانم محمدی نینگ ایتیشیچه، حاضر بیکار دیر و یمان بیر وضعیتده قرار تاپگن و وضعیت شونده‌ی دوام تاپگن صورتده، مملکت نی ترک قیلیش گه زورلنه‌دی.
عین حالده، قندوز ولایتی بوییچه طالبان معلومات و مدنیت ریاست باشلیغی مطیع‌الله روحانی نینگ ایتیشیچه، عیاللرنینگ رسانه‌لرگه فعالیت قیلیشی توغریسیده حاضرگچه بیر بویروغ کیلمه‌گن و شو یوزه‌دن خبرچی عیاللر حاضر اوی‌لریده قالیشی کیره‌ک.
اونگه کوره، خبرچی عیاللر اسلامی شریعت چارچوبه‌سیده فعالیت قیلیشی اوچون بیر برنامه قولگه آلینیشی ممکن.
قندوز ده خبرچیلر و رسانه ایشلاوچی‌لری بو وضعیت توغریسیده خواطر بیلدیرگن بیرحالده، اوتگن ایکی دهه ده مملکتده رسانه‌لرنینگ فعالیتی اینیقسه خبرچی عیاللرنینگ فعالیتی کوپ بولگن ایکن.
