افغانستان دولتی و طالبان گروهی نینگ تینچلیک هیأت‌لری، افغانستان تینچلیک پروسه‌سی خصوصیده سوزلش اوچون تهران سفر قیلگن ایدی. اوشبو هیأتلر ایکی کون (چهارشنبه و پنجشنبه) سوزلشگندن کیین بوگون بیر اعلامیه ترقه‌تیب و ایتیش‌لریچه، اوروش ییچیم یول ایمس و سیاسی و تینچ ییچیم یول اوستیگه توجه قیلینیشی کیره‌ک.
افغانستان دولتی و طالبان گروهی نینگ هیأت‌لرینی اعلامیه‌سی اساسیده، تهران ده افغانستانلیکلرارا یغیین یخشی شکلده بولیب اوتگن و ایتیلیشیچه، افغانستان ده اوروش نینگ خطرلرینی و ضررلرینی درک قیلیش بیلن بو نتیجه گه ایریشگنلر که، اوروش افغانستان قضیه‌لری نینگ ییچیم یولی ایمس و تامانلر سیاسی یولدن تینچلیککه ایریشیش خصوصیده سعی و حرکت قیلیش‌لری کیره‌ک.
ایکی تامان نینگ ایتیش‌لریچه، بو سوزلشوولر تینچ و دوستانه بیر فضاده بولیب اوتگن و برچه موضوعلر مفصل و صراحت بیلن مطرح قیلینگن.
افغانستانلیکلرارا سوزلشوولر اوتگن تهران میزبانلیگی بیلن باشلندی. بو ییغین گه سابق جمهوررئیس بیرینچی اورین‌باسری محمدیونس قانونی، تینچلیک ایشلری بوییچه جمهوررئیس نماینده‌سی عبدالسلام رحیمی، افغانستان دولت هیأتی نینگ سابق اعضاسی عبدالکریم خرم و سیاسی سیمالردن باشقه بیر قطاری و شونینگدیک شیرمحمد عباس استانکزی ییتکچیلیگیده طالبان هیأتی شرکت قیلگن ایدی.
بیزلرنینگ فیسبوک صحیفه‌میزگه باش اورینگ!
اعلامیه ده کیلیشیچه: «ایکی تامان قرار آلگنلر که اوروش دن دایمی تینچلیککه اوتیش اوچون مکانیزم ایجاد ایتیلیشی، اسلامی تیزیم و اونگه قول تاپیش و شونگه اوخشه‌گن موضوعلر که مصلحت و تفصیلات گه نیازی بار، کیلگوسی ییغین‌لرده یولگه قوییلیب و بحث گه آلینه‌دی.»
شونینگدیک اعلامیه‌ده ایتیلیشیچه: «ایکی تامان اهالی نینگ اویی، مکتبلر، مسجدلر، کسلخانه‌لر و شونینگدیک تینچ‌اهالی گه ضرر ییتیشتیره‌دیگن هجوم‌لر و آستقورمه‌لر تخریب ایتیلیشی نی قاره‌لب و بولرنینگ عامل‌لری جزالنتیریلیشی نی سوره‌شگن.»
تهران ییغینی قطار عکس‌العمل‌لرگه هم روپه‌رو بولگن.
آمریکا تشقی ایشلر وزیرلیگی تهران ده افغانستان دولت نماینده‌لری و طالبان هیأتی دن میزبانلیک بولگنینی خوش قرشی‌لب و ایتیشیچه، بونده‌ی اقدام‌لر افغانستان کیله‌جگی اوچون یخشی تمام بولیشی ممکن. ایران اوتگن کون افغانستان سیاسی سیمالری و طالبان گروهی هیأتی گه میزبان ایدی.
بیزلرنینگ توییترده هم تعقیب قیلینگ!
آمریکا تشقی ایشلر وزیرلیگی سوزلاوچیسی ند پرایس اوتگن کون خبری بیر ییغینده، ایران نینگ تینچلیک پروسه‌سیدن میزبانلیک قیلگنینی خوش قرشی‌لب و ایتیشیچه، افغانستان قوشنی‌لری بو مملکتده تینچلیک تأمین‌لنیشی اوچون نفوذلریدن قولله‌نیش‌لری کیره‌ک.
