بوگون “چهارشنبه” بلخ یشاوچیلریدن یوزلرچهسی بیر همایش یولگه قویش بیلن مملکت امنیتی و دفاعی کوچلریدن حمایت بیلدیرگنلر.
بلخ حاکمی محمدفرهاد عظیمی نینگ اوشبو همایشده یشاوچیلرنی امنیتی و دفاعی کوچلردن حمایت قیلیشلری اورنیده ایتیشیچه، مزارشریف شهریدن طالبانگه قرشی ۵ مینگ مردمی کوچ بسیج بولیب امنیتی کوچلر یانیده قرار تاپگن.
بلخ ولایتی کینگش اعضالری و قوم بویوکلری هم طالبانگه قرشی مبارزه قیلیش اوچون امنیتی کوچلر یانیده قرار تاپیشلریدن ایشانچ بیرهدیلر.
عینحالده، جوزجان یشاوچیلریدن یوزلرچه قورال کوتاریش بیلن شبرغان جادهلریگه چیقیب امنیتی و دفاعی کوچلردن حمایت بیلدیرگنلر. اولرنینگ ایتیشلریچه، طالبان گروهی زور آرقهلی موفق بولمهیدی.
جوزجان ولایتی کینگش عضوی عبدلحی حیات نینگ ایتیشیچه، نظام و امنیتی کوچلردن حمایت قیلیش افغانستان هر بیر یشاوچیسی نینگ مسوولیتی دیر.
سونگی پیتلرده طالبان هجومی شدتلنیب کمیده ۱۵۰ تومن اوشبو گروه نظارتیگه اوتگن بیرحالده، امنیتی کوچلردن حمایت قیلیش ییغین کوپهیماقده.