طالبان نینگ هجوم‌لری کوپه‌یگنی و بیرقطار تومن‌لرنی اوشبو گروه قولی‌گه سقوط قیلگنی سبب، سابق جهاد قومندانلریدن بیرقطاری طالبان‌گه قرشی مبارزه قیلیش اوچون مردمی کوچلرنی بسیج قیلماقده‌لر. اوتگن ۳ کون جریانیده پروان ولایتیده جهاد سابق قومندان‌لری دوام‌لی شکلده ییغین اوتکزیب مجاهدلر و مردمی کوچلرنی بسیج قیلیش خصوصیده بحث قیلگنلر.
بوگون “سه‌شنبه” بغلان سابق پولیس قومندانی نورحبیب گلبهاری نینگ جبل‌السراج تومنیده مجاهدلر اجتماعی کینگشی آچیلیش مراسمیده ایتیشیچه، پروان، کاپیسا و پنجشیر ولایت‌لریده ۳۰ مینگ مردمی کوچ بسیج ایتیلیشی خصوصیده قرار قیلینگن.
جناب گلبهاری گه کوره، اوشبو کوچلر رسمی شکلده قید ایتیله‌دی و قوراللی بولمه‌گن کیشی‌لرگه قورال بیریلیشی ممکن.
عین‌حالده، کاپیسا یشاوچی‌لریدن اونلرچه‌سی اوشبو ولایت ولایتی کینگشی ده توپله‌نیب امنیتی کوچلر یانیده توخته‌ب طالبان‌گه قرشی کوره‌شیش‌لریدن ایشانچ بیرگن‌لر.
شونینگدیک، پروان ولایتی نینگ سالنگ تومنیده هم سابق مجاهدلردن بیرقطاری بیر ییغین آرقه‌لی قورال آلیب امنیتی کوچلر یانیده طالبان‌گه قرشی اوروشیش‌گه تیار بولگن‌لرینی بیلدیرگنلر.
طالبان‌گه قرشی کوره‌شیش اوچون مردمی کوچلرنی بسیج قیلیش چقیروی یانیده جبل‌السراج تومنی نینگ مجاهدلر اجتماعی کینگشی رسمی شکلده بارلیگی‌نی بیلدیرگن.
