طالبان جنگریلری‌نی پروان ولایتی نینگ دره غوربند منطقه‌سیده هجوم قیلگنی و شینواری تومنی نینگ نمک‌آب دره‌سی طالبان قولیگه سقوط قیلگنی دن سونگ، اوشبو ولایت محلی مسوول‌لری مردمی کوچلرنینگ بسیج قیلیب امنیتی کوچلردن حمایت قیلیش مقصد ده دره غوربند ده یوباریلگنیدن خبر بیرگن‌لر.
پروان حاکمی فضل‌الدین عیار نینگ سلام‌وطندارگه ایتیشیچه، جهاد قومندان‌لری، نماینده‌لر کینگشی باشلیغی میررحمان رحمانی، نماینده‌لر کینگشی و ولایتی کینگش اعضالری اوز حربی‌لرینی امنیتی کوچلر و نظام دن حمایت بیلدیریش اوچون غوربند دره‌سیگه بسیج قیلگنلر.
نماینده‌لر کینگشی عضوی عبدالظاهر سالنگی، دره غوربند بیرقطار منطقه‌لریده اوروش خط لریدن کوریب-چیقگنیدن سونگ، امنیتی کوچلردن حمایت قیلیش مقصد ده مردمی کوچلر بسیج بولگنی خصوصیده مش‌مش‌لر کوپه‌یگن.
جناب سالنگی نینگ ایتیشیچه، جبهه دن قیتگنیدن سونگ، پروان محلی مسوول‌لری بیلن امنیتی کوچلردن حمایت قیلیش اوچون بومی کوچلرنی اولر یانی‌ده بسیج قیلیش‌گه قرار قیلگنلر.
عین‌حالده، ایش بیلرمان‌لرنینگ ایتیش‌لریچه، دولت نینگ آسایش گه بولگن پیتده بومی و خودی کوچلردن فایده‌له‌نیش سوراق‌لی دیر.
ایش بیلرمان‌لردن بیری عبدالواحد عایل نینگ ایتیشیچه، بومی و خودی کوچلردن فایده‌لنیش وقتینچه‌لیک دیر و وضعیت عادی بولگن دن سونگ، بومی کوچلرنی نظام ده هیچ‌قنده‌ی اورنی یوق.
ایتیلیشیچه، چیت‌ایللیک کوچلرنی افغانستاندن چیقیش جریانی باشلنگنیدن سونگ، طالبان گروهی امنیتی کوچلرگه قرشی هجوم‌لرینی شدت‌لنتیرگن و کمیده ۵۰ تومن‌نی تصرف قیلگنلر.
کورینیشیچه، پروان محلی اداره‌سی اداری واحدلری نینگ طالبان قولیگه سقوط قیلیشی‌گه توسیق بولیش اوچون بومی کوچلر و طالبان‌گه قرشی مقاومتی کوچلرگه یوز کیلتیرگن.
