هرات ولایتی نینگ ادرسکن تومنیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن “شنبه” کونی توشدن سونگ، ۲۵ یاشیده بولگن بیرعیال اوشبو تومنده ملی اردو کندکی نینگ ۵۰۰ مترلیگی‌ده طالبان نینگ صحرایی محکمه‌سیده اوققه توتیلگن.
منبع نینگ ایتیشیچه، حاضرگه‌قدر بو واقعه سببی بیللی بولمه‌گن. بیراق بیرقطار مردمی منبع‌لرنینگ ایتیش‌لریچه، اوشبو عیال نامشروع رابطه عیبی سبب، طالبان تامانیدن اوققه توتیلگن.
هرات محلی مسوول‌لری و طالبان گروهی حاضرگه‌قدر بوتوغریده فکر بیلدیرمه‌گن.
ایتیلیشیچه، نیچه پیت آلدین یاش بیرعیال نامشروع رابطه عیبی بیلن هرات ولایتی نینگ اوبه تومنیده طالبان نینگ صحرایی محکمه‌سیده ۴۰ شلاق اوریلگن ایدی.
ادرسکن، هرات نینگ ناتینچ تومن‌لریدن دیر و طالبان گروهی اوشبو تومن نینگ بیرقطار بولیم‌لریده کینگ شکلده فعالیت قیله‌دی.
