Asset 1SWN

خلیلزاد: تیزلیک بیلن دولت و طالبان نینگ سیاسی کیلیشووگه قول تاپیش‌لری کیره‌ک

Zalmai-0-p04p1tqrnjru73ayeeyrdp4e3jslgtbtelticae0fg

افغانستان تینچلیک جریانی بوییچه آمریکا خاص نماینده‌سی زلمی خلیلزاد، غزنی ولایتیده ختم قران مراسمیده باله‌لر شامل تینچ اهالی نینگ تلفات کورگنینی قاره‌لب و افغانستانده دوامی بولگن زوروانلیکلر کوپه‌یگنیدن خواطر بیلدیرگن. اونینگ ایتیشیچه، تینچ اهالی شامل افغانستان‌لیکلرنینگ اولیمی معمول بولگن.

بوگون “یکشنبه” جناب خلیلزاد نینگ توییتر صحیفه‌سیده یازیشیچه: «بونده‌ی هجوم‌لر اویوشتیریب وحشت خلق قیله‌دیگن‌لرنی محکوم قیله‌میز.» اونینگ کوپه‌یتیریشیچه، بونده‌ی هجوم اویوشتیره‌دیگن‌لرنینگ مقصدی افغانستانده نفاق ایجاد قیلیش و افغانستان نی کوچ‌سیز قیلیش دیر.

خلیلزاد، اوروش طرف‌لریدن زوروانلیک‌نی کمه‌یتیریب و آتیش‌کیسین برقرار قیلینیشی‌نی سوره‌یدی. اونینگ ایتیشیچه: « بیرلیکده خلق ارا حمایتی بیلن پارتلنمه‌گن ماده‌لر و ماین‌لرنی بیکار قیلیب باله لر و یاشی یوقاری بولگن‌لر حیاتی قوتقریشی‌میز کیره‌ک.»

افغانستان تینچلیک جریانی بوییچه آمریکا خاص نماینده‌سی نینگ تاکید قیلیشیچه، آمریکا و طالبان آره‌سیده امضا ایتیلگن تینچلیک شرطنامه، آمریکا و افغانستان حکومت نینگ قوشمه اعلامیه‌سی موجودیتی و خلق ارا جماعه‌سی نینگ افغانستان‌لیکلر ارا سوزلشوولر باشله‌نیشیدن حمایت قیلیشی سبب، اوروش و افغانستان‌لیکلرنینگ اولدیریلیشی مشروعیتی نی قولدن بیرگن.

جناب خلیلزاد نینگ ایتیشیچه، افغانستان اسلامی جمهوریتی و طالبان گروهی‌نی اهالی ایستکلریگه حرمت قیلیب و تیزلیک‌که سیاسی کیلیشووگه قول تاپیش‌لری کیره‌ک.

اونینگ کوپه‌یتیریشیچه، آمریکا قوشمه ایالاتی افغانستان یشاوچی‌لریدن حمایت قیله‌دی.

اوتگن “جمعه” کونی غزنی ولایتی نینگ گیلان تومنیده ختم قران مراسمیده یوز بیرگن پارتلشده باله‌لر شامل ۱۵ تینچ اهالی هلاک و باشقه ۲۰ کیشی یره‌لنگن.

جمهورلیک ریاستی بو واقعه‌نی «تروریستی» و طالبان گروهی نی مسوول عنوان قیلگن.

بیراق طالبان سوزلاوچیسی ذبیح‌الله مجاهد نینگ توییتر صحیفه‌سیده یازیشیچه، مذکور واقعه سابق دن قالگن اوق نینگ پارتله‌گنی سبب، یوز بیرگن و نتیجه‌ده ۱۲ باله هلاک و باشقه بیرقطار تینچ اهالی یره‌لنگن.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام