آمریکا مدافعه وزیرلیگی یا پنتاگون نینگ ایتیشیچه، افغانستان دن چیتایللیک کوچلرنینگ تینچ بیر شکلده چیقیشی اوچون، بو مملکتده آمریکالیک حربیلر سانی کوپهیشی ممکن.
اوتگن کون (جمعه ۲۷- حمل) آمریکا مدافعه وزیرلیگی سوزلاوچیسی جان کربی خبری بیر ییغینده ایتیشیچه، جوبایدن نینگ بویروغی اساسیده سپتامبر آیی گچه چیقیش پروسهسی تینچ و ترتیبلی بیر شکلده صورت تاپیشی اوچون، بیر قیسقه پیت افغانستان ده آمریکالیک حربیلر سانی کوپهیشی ممکن.
آمریکا مدافعه وزیرلیگی سوزلاوچیسی مذکور مملکت حربیلری قچان افغانستان گه کیریشی حقیده آرتیق تفصیلات بیرمهگن.
جان کربی گه کوره، حاضر آمریکا مدافعه وزیرلیگی کیلهجکده افغانستان و آمریکا نینگ خوفسیزلیک علاقهلری توغریسیده ایشلماقده. آمریکا مدافعه وزیرلیگی سوزلاوچیسی نینگ اورغولشیچه، افغانستان ینه بیر مرته ترورچیلرنینگ تینچ بیر اویهسیگه اوزگرمهسلیگی اوچون، بو مملکت ترورچیلیککه قرشی کورهش گه دوام بیرهدی.
بو بیانات ارایه ایتیلگن بیرحالده، اوتگن هفته چهارشنبه کونی آمریکا جمهوررئیسی جو بایدن، رسمی شکلده حربیلری نینگ افغانستان دن چیقیش تاریخی نی اعلام قیلدی. عین حالده، ناتو هم آمریکا حربیلری بیلن بیرگه بو تشکیلات حربیلری هم افغانستان نی ترک قیلیشی ممکن دیدی.
آمریکا جمهوررئیسی جو بایدن نینگ ایتیشیچه، آمریکالیک حربیلر نینگ افغانستان دن چیقیشی می آیی گه باشلهنیب و ۱۱- سپتمبر آیی گچه یکونلنهدی کیم بو تاریخ القاعده نینگ نیویورک برجلری اوستیگه اویوشتیرگن هجومی نینگ ۲۰ ییللیگی گه ماس کیلهدی.
شوندهی بیرحالده، طالبان آمریکا نینگ دوحه کیلیشوونامهسینی نقض قیلیش گه عیبلهب ایتیشلریچه، اونینگ عاقبتی آمریکا نینگ بویینیگه دیر.