جوزجان ولایتی کینگش اعضالریدن بیرقطاری نینگ ایتیش‌لریچه، بو ولایت ولایتی کینگش باشلیغی بابر ایشچی شبرغان شهریده آتیشمه شدت‌لنگنیدن سونگ، خواجه دوکوه تومنی‌گه باریب و نیچه ساعت آتیشمه‌دن سونگ، قوم بویوکلر نینگ وساطت سبب، طالبان‌گه تسلیم بولگن.
بیزلرنینگ فیسبوک صحیفه‌میزگه باش اورینگ!
جوزجان ولایتی کینگش عضوی شیرمحمد نور نینگ سلام‌وطندارگه ایتیشیچه، اوشبو ولایت ولایتی کینگش باشلیغی جوزجان ولایتی نینگ خواجه دوکوه تومنیده یوز بیرگن شدتلی آتیشمه‌دن سونگ، بویروغی‌گه بولگن ۶۰ حربی بیلن طالبان گروهی‌گه قوشیلگن.
جوزجان ولایتی کینگش اوشبو عضوی گه کوره، ولایتی کینگش باشلیغی ناتینچلیک‌لر کوپه‌یگنیدن سونگ، طالبان‌گه قرشی مبارزه قیلیش مقصد ده بویروغی‌گه بولگن کیشی‌لر بیلن خواجه دوکوه تپه‌سیده جای‌لشگن ایدی، بیراق طالبان تامانیدن قمراوگه آلینیب و نهایت‌ده تسلیم بولگن.
جناب نور نینگ کوپه‌یتیریشیچه، حاضرده طالبان گروهی بابر ایشچی‌نی شبرغان شهریگه انتقال بیرگن.
بابر ایشچی نینگ اقارب‌لریدن بیرقطاری نینگ ایتیش‌لریچه، ولایتی کینگش باشلیغی بویروغی‌گه بولگن حربی‌لرنی طالبان قمراویدن قوتقریش اوچون خواجه دوکوه تومنی‌گه بارگن ایدی و نهایت‌ده نیچه ساعت آتیشمه‌دن سونگ، طالبان‌گه تسلیم بولگن.
جوزجان حاکمی اورین باسری عبدالقادر مالیه بو موضوع حقیده معلوماتی یوق‌لیگی‌نی بیلدیرگن. اونینگ ایتیشیچه، ولایتی کینگش باشلیغی بابر ایشچی نینگ طالبان تامانیدن قولگه آلینگنی خصوصیده هیچ‌قنده‌ی معلومات قولگه کیلتیرمه‌گنلر.
بیراق، بیرقطار امنیتی و محلی منبع‌لرنینگ ایتیش‌لریچه، بابر ایشچی شبرغان شهری سقوط قیلگنیدن سونگ، خواجه دوکوه تومنیدن آقینه بندری تامان باریش‌گه قصد قیلگن، لیکن طالبان تامانیدن قمراوگه آلینیب و تسلیم بولیش‌گه مجبور بولگن.
بیزلرنینگ فیسبوک صحیفه‌میزگه باش اورینگ!
عین‌حالده، طالبان سوزلاوچیسی ذبیح‌الله مجاهد، جوزجان ولایتی کینگش باشلیغی بابر ایشچی نینگ بویروغی‌گه بولگن ۲۰ حربی بیلن اوشبو گروه گه تسلیم بولگنی‌نی تصدیق‌لگن.
