طالبان هجوم‌لرینی شدت‌لنتیریب و قطار تومن‌لرنی تصرف قیلگن بیرچاغده، اوروش‌لر و ناتینچلیکلر سبب، دیوارلری تخریب بولگن بیر محلده باردیم.
وضعیت خصوصیده معلومات قولگه کیلتیریش اوچون اوروش میدانی‌گه بولگن بیرعسکر بیلن صحبت اوتکزیش‌گه قرار قیلدیم، لیکن طالبان نینگ هجومی و امنیتی کوچلرنینگ مقاومتی باعث، صحبتی‌میز تعیین‌لنگن زمان‌ده صورت تاپمه‌یدی.
اوروش توخته‌تیلگن پیت‌ده عسکر بیلن اوچره‌شدیم. اونینگ نامی زمان‌الدین بولیب و بغلان ولایتی نینگ اندراب تومنی یشاوچی‌سی ایکن. زمان‌الدین نینگ ایتیشیچه، طالبان نینگ شدتلی اوروش‌لریگه قرشی مملکتدن دفاع قیله‌دی.
سلام‌وطندار اوزبیک بولیمی‌نی فیسبوک‌ده تعقیب قیلینگ
اونینگ خواطرلی سیماسی و قیغولی صحبت‌لریگه قره‌گنده حمایت و امکانیت یوق‌لیگی سبب، عسکرلر اوروش میدان‌لریده جان بیره‌دیلر.
صحبتی‌میز دوامی قیلماقده ایدی، لیکن طالبان جنگریلری آغیر و یینگیل قورال‌لر بیلن امنیتی کوچلر اوستیگه هجوم‌لرینی قیته باشله‌دی و ینه ساعت‌لرچه مذکور منطقه‌ده کوتیب توریش‌گه مجبور بولدیم.
زمان‌الدین طالبان نینگ کیین‌گه اورگنیدن سونگ، صحبت‌لریگه دوام بیره‌دی و دردلری آره‌سیده حکومت نینگ حمایت قیلمه‌گنی و مهرسیزلیگیدن شکایت قیله‌دی. اونینگ ایتیشیچه، طالبان‌گه قرشی هوایی هجوم صورت تاپمه‌گنی سبب، همسنگرلری نینگ اوروش میدانیده جان‌لرینی قولدن بیریش‌لریگه گواه بولگن.
- بلخ و جوزجان یشاوچی‌لری امنیتی کوچلردن حمایت بیلدیرگن‌لر
- جوزجان پولیسی نینگ بیشینچی سمت آمری اوروش میدانی گه کیرگن
- جوزجان لیک عیاللر قورال آلیب طالبان گه قرشی بسیج بولگنلر
زمان‌الدین ۵ فرزند نینگ آته‌سی دیر، لیکن اویی‌گه باریش اوچون عجله قیلمه‌یدی. اونینگ ایتیشیچه، بیر عسکر اوچون اهالی و وطن اونملی دیر.
او، مملکتده دوامی بولگن اوروش‌نی بی‌مفهوم عنوان قیله‌دی و طالبان گروهی‌دن باشقه‌لر منفعتی‌گه بولگن اوروش‌نی توخته‌تیب و بیوه عیاللر و یتیم باله‌لرنینگ کوپه‌یشی‌گه توسیق بولیشینی سوره‌یدی.
صحبت‌لریمیز یکونلنمه‌گن، لیکن حمایت صورت تاپمه‌گنی سبب، امنیتی کوچلرنینگ اوروش میدانی‌نی ترک قیلگنیدن خبر ییتیشه‌دی.
زمان‌الدین نینگ کوپلب قیغو بیلن ایتیشیچه، آز حمایت بیلن خطرلی اوروش‌لرنی مهار قیله‌دیلر، لیکن وقتی‌گه حمایت صورت تاپمه‌گنی سبب، عسکرلر نامید بوله‌دی.
بیزلرنی توییتر ده تعقیب قیلینگ
بیراق، اونینگ اهالی‌گه ایشانچ بیریب ایتیشیچه، سونگی اوقی‌گه‌قدر طالبان‌گه قرشی مقاومت قیله‌دی.
یالغیز زمان‌الدین ایمس کیم اوروش میدان‌لریگه حکومت نینگ مهرسیزلیگی و حمایت قیلمه‌گنیدن تنقید قیله‌دی، بلکیم اوروش سنگرلریده بولگن کوپ‌قطار حربی‌لر بو وضعیتدن رنج ایلته‌دیلر.
