هرات حاکمی سیدعبدالوحید قتالی نینگ ایتیشیچه، فرسی تومنیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور تومن پولیس قومندانی باشقه بیر حربی بیلن هلاک و شونینگدیک باشقه بیر حربی ایسه تن جراحتی کوتارگن.

جناب قتالی نینگ ایتیشیچه، شونینگدیک مذکور آتیشمه‌ده ۱۳ طالب هلاک و باشقه ۶ طالب ایسه یره‌لنگن.

باشقه بیر تاماندن هرات حاکمی نینگ کوپه‌یتیریشیچه، بو ولایت نینگ گلران تومنیده طالبان هجومیده ملی خوفسیزلیک کوچلریدن ۲ ته‌سی هلاک و باشقه ۶ ته‌سی ایسه یره‌لنگن.

بیراق هرات ده مدنی فعال و تینچ‌اهالی نی سقلش کینگش کاتبی محمدآصف فیض‌یار نینگ سلام‌وطندارگه ایتیشیچه، اوتگن کیچه طالبان نینگ اوچ نفودی آدمی مذکور گروه جنگریلری نینگ هجومی نی آلدینی آلیش اوچون بیر سنگر ده جایلشگن فرسی تومن پولیس قومندانی سیدشفق‌الله جاهد و مذکور تومن ولسوالی سیدشمس‌الدین نینگ باشقه بیر قطار امنیتی کوچلر بیلن هجوم آستیده آلگن.

بیزلرنینگ فیسبوک صحیفه‌میزگه هم باش اورینگ!

اونگه کوره، بو حادثه‌‌ده فرسی پولیس قومندانی سیدشفیق جاهد، امنیتی کوچلردن ۸ ته‌سی بیلن هلاک و بو تومن ولسوالی باشقه ایکی حربی بیلن تن جراحتی کوتارگن. اونینگ کوپه‌یتیریشیچه، طالبان نینگ اوشبو اوچ نفوذی آدمی بیر حربی آرقه‌لی اولدیریلگن.



هرات نینگ فرسی تومنیده مردمی منبعلردن قطاری بو حادثه نی تصدیقلب ایتیش‌لریچه، امنیتی کوچلرنینگ جسدی بوگون ایرته‌لب اهالی نینگ یاردمی بیلن محل دن چیقاریلگن.

هرات محلی مسئوللری نینگ ایتیش‌لریچه، یاردمچی کوچلر فرسی و گلران تومن‌لریده یوباریلگن.

طالبان حاضرگچه بو توغریده هیچ بیر نرسه دیمه‌گن.

جوزجان ده طالبان هجومی باعث ۸ حربی هلاک ایتیلگن

جوزجان ولایتی کینگش اعضالری، مذکور ولایتده قوشمه بیر قرارگاه طالبان قولیگه سقوط قیلگنی و شونینگدیک امنیتی کوچلردن ۸ ته‌سی نینگ هلاک ایتیلگنیدن خبر بیرگن.

جوزجان ولایتی کینگش اعضاسی شیرمحمد نور نینگ سلام‌وطندارگه ایتیشیچه، طالبان اوتگن کیچه مذکور ولایت فیض‌آباد تومنی نینگ علی‌آباد منطقه‌سیده، قوشمه بیر قرارگاه اوستیگه هجوم قیلیب و امنیتی کوچلر بیلن نیچه ساعت اوروشگن و نتیجه‌ده بو قرارگاه مذکور گروه قولیگه سقوط قیلگن.

بیزلرنینگ توییترده هم تعقیب قیلینگ! 

اونگه کوره، مذکور آتیشمه‌ده امنیتی کوچلردن ۸ ته‌سی هلاک و باشقه ۱۳ ته‌سی ایسه برچه حربی جهازلری بیلن بو گروه نینگ قولیگه اسیر بولگن. جناب نور نینگ کوپه‌یتیریشیچه، بو قرارگاه نینگ سقوط قیلیشی بیلن فیض‌آباد تومنی طالبان قمرویگه قرار تاپگن.

اونینگ آگاه‌لنتیریشیچه، امنیتی مسئوللر بو توغریده توجه قیلمه‌گن صورتده، بو تومن طالبان نظارتی گه اوتیشی ممکن.

فیض‌آباد تومن پولیس قومندانی محمدنادر اوشبو قوشمه قرارگاه نینگ سقوط قیلگنی نی تصدیق‌لگن، بیراق امنیتی کوچلرنینگ تلفاتی و اولردن قطاری طالبان قولیگه اسیر بولگنی حقیده هیچ بیر نرسه دیمه‌گن.

طالبان سوزلاوچی‌لریدن بیری ذبیح‌الله مجاهد، بو هجوم نی تصدیق‌لش بیلن ایتیشیچه، بو حادثه‌ده دولتی کوچلردن ۸ ته‌سی هلاک و باشقه ۱۳ ته‌سی ایسه بو گروه آرقه‌لی اسیر آلینگن.

مرتبط با این خبر:

کلیدی کلمه‌لر: // // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام