نماینده‌لر کینگشی عضوی نوریه حمیدی نینگ سلام‌وطندارگه ایتیشیچه، بغلان ولایتی نینگ دهنه‌غوری تومنیده طالبان تامانیدن اویوشتیریلگن هجومده پولیس کوچلریدن ۸ ته‌سی هلاک و باشقه ۹ ته‌سی یره‌لنگن.

خانم حمیدی نینگ کوپه‌یتیریشیچه، طالبان هجومی اوتگن کیچه باشلنگن و ایرته‌‎دن چاغی‌گه‌قدر دوام قیلگن و امنیتی کوچلرنینگ ۴ تانگی تخریب ایتیلگن.

نماینده‌لر کینگشی اوشبو اعضاسی نینگ بغلان امنیتی و محلی مسوول‌لریدن تنقید قیلیب ایتیشیچه، حاضرگه‌قدر هیچ‌بیر کمکی کوچ دهنه‌غوری تومنیده یوباریلمه‌گن و مذکور تومن نی طالبان قولی‌گه سقوط قیلیشی ممکن.

دهنه‌غوری ولسوالی محمدفسیم اندر نینگ طالبان هجومی‌نی تصدیق‌لب ایتیشیچه، قربان بولگن‌لرنینگ جسدلری امنیتی کوچلر تامانیدن ییقیلگن دیوارلر آستیدن چیقاریلگن.

شونینگدیک، ۲۰۹ شاهین قول اردو قومندانلیگی سوزلاوچیسی محمدحنیف رضایی نینگ ایتیشیچه، طالبان جنگریلری اوتگن کیچه بلخ ولایتی نینگ چمتال تومنیده جای‌لشگن سرآسیاب قرارگاهی اوستیگه هجوم قیلگن و نتیجه‌ده امنیتی کوچلردن ۵ ته‌سی هلاک ایتیلگن.

۲۰۹ شاهین قول اردو قومندانلیگی مسوول‌لریگه کوره، مذکور آتیشمه‌ده طالبان گروهی نینگ ملا معاذ نام‌لی بیر قومندانی شامل ۷ جنگری‌سی هلاک ایتیلگن.

اوشبو ایکی واقعه مسوولیتی‌نی طالبان گروهی بوینیگه آلگن.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام