بغلان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن کیچه اوشبو ولایت نینگ بغلان مرکزی تومنیده امنیتی کوچلردن کمیده ۱۰۰ ته‌سی بوتون حربی تجهیزات‌لری بیلن طالبان گروهی‌گه قوشیلگن.
منبع نینگ کوپه‌یتیریشیچه، مذکور حربی‌لرنینگ کوپراغی ملی اردو کوچلری‌گه تیگیشلی بولیب و اوروشمه‌سدن ایکی قرارگاه و ۸ پوسته‌نی طالبان گروهی تسلیم قیلگن و اولرنینگ بوتون حربی تجهیزات‌لری طالبان قولیگه توشگن.
منبع گه کوره، مذکور کوچلر طالبان گروهی‌گه تسلیم بولگنیدن سونگ، بغلان مرکزی تومنی نینگ شهرقدیم و پولیس ۵- امنیتی سمتی شامل کوپ‌قطار منطقه‌لر طالبان قولیگه سقوط قیلگن.
منبع نینگ ایتیشیچه، بغلان مرکزی تومنی نینگ یالغیز مرکزی دولت نظارتی‌گه دیر و تیزلیککه دقت قیلینمه‌گن صورتده، اوشبو تومن نینگ کامل صورتده طالبان قولیگه سقوط قیلیشی ممکن.
بیراق، بغلان امنیتی و محلی مسوول‌لری حاضرگه‌قدر بوتوغریده فکر بیلدیرمه‌گن.
عین‌حالده، طالبان گروهی بیر اعلامیه نشر قیلیش بیلن امنیتی کوچلردن کمیده ۲۰۰ ته‌سی بوتون حربی تجهیزات‌لری بیلن اوشبو گروه جنگریلریگه تسلیم بولگنیدن خبر بیرگن.
غزنی‌ده ایکی پوسته طالبان قولیگه سقوط قیلیب و امنیتی کوچلردن ۶ ته‌سی هلاک ایتیلگن
غزنی ولایتی کینگش عضوی حسن‌‌رضا یوسفی نینگ سلام‌وطندارگه ایتیشیچه، اوشبو ولایت مرکزی «آرزو» قیشلاغیده جایلشگن ملی اردو و ملی پولیس قوشمه بیر پوسته‌سی طالبان قولیگه سقوط قیلگن.
غزنی ولایتی کینگش اوشبو عضوی نینگ کوپه‌یتیریشیچه، مذکور پوسته نیچه مدتدن بویان طالبان قمراویگه قرار تاپگن ایدی، بیراق اوتگن کیچه سقوط قیلگن.
جناب یوسفی‌گه کوره، مذکور پوسته‌گه جایلشگن امنیتی کوچلردن ۶ ته‌سی هلاک و باشقه ۱۵ ته‌سی طالبان قولیگه اسیر بولگن.
جناب یوسفی نینگ کوپه‌یتیریشیچه، شونینگدیک، اوشبو ولایت نینگ خواجه‌عمری تومنیده امنیتی کوچلر بیر پوسته‌سی طالبان قولیگه سقوط قیلگن و تلفات خصوصیده معلومات بیریلمه‌گن.
غزنی پولیس قومندانی حکمت‌الله کوچی مذکور پوسته‌لرنینگ طالبان قولیگه سقوط قیلگنی‌نی تصدیق‌لب یا-ده رد قیلمه‌گن، لیکن اوشبو ولایت نینگ بیرقطار تومن‌لریده طالبان جنگریلریگه قرشی حربی عملیات یولگه قوییلگنیدن خبر بیرگن.
طالبان گروهی حاضرگه‌قدر بوتوغریده فکر بیلدیرمه‌گن.
