بغلان ولایتیدن امنیتی و محلی منبعلرنینگ سلاموطندارگه ایتیشلریچه، اوتگن کونی اوشبو ولایت نینگ دهنهغوری تومنیده یوز بیرگن پارتلشده 5 پولیس هلاک ایتیلگن.
منبع نینگ ایتیشیچه، طالبان جنگریلری دهنهغوری تومنیده امنیتی پوستهلر اوستیگه هجوم قیلگن، بیراق کمکی کوچلر محلگه بارهدیگن پیتده، جاده چیککهسیده جایلشتیریلگن ماین بیلن دوچ کیلیب نتیجهده 5 پولیس هلاک و باشقه 6 پولیس یرهلنگن.
منبع نینگ کوپهیتیریشیچه، باشقه بیر واقعهده پلخمری شهری نینگ «حسینخیل» منطقهسیده طالبان نینگ هجومی سبب، محلی پولیس کوچلریدن 4 تهسی یرهلنگن.
منبع گه کوره، پلخمری شهری نینگ ایکینچی حوزهسیگه تیگیشلی بولگن منطقهده جایلشگن ایکی پوسته طالبان قولیگه سقوط قیلگن و اوشبو گروه جنگریلری مذکور پوستهلرنی اوت بیرکن.
منبع نینگ ایتیشیچه، اوشبو ایکی پوسته سقوط قیلگنی سبب، پلخمری شهری نینگ 5- ناحیهسی طالبان نظارتی گه اوتگن و اوشبو گروه جنگریلری اوزلرینی ایکینچی امنیتی حوزه گه یقینلشتیرگن.
عینحالده، بغلان پولیس قومندانی ویس صمیمی، اوشبو ولایت نینگ دهنهغوری تومنیده امنیتی کوچلردن 5 تهسی هلاک و باشقه 6 تهسی یرهلنگنینی تصدیقلیگن.
جناب صمیمی نینگ ایتیشیچه، مذکور آتیشمهلرده طالبان جنگریلریدن کمیده 10 تهسی هلاک و یرهلنگن. بغلان پولیس قومندانیگه کوره، مناسب مکان بولمهگنی سبب، اولر مذکور ایکی پوستهنی باشقه جایگه انتقال بیرگنلر.
طالبان گروهی حاضرگهقدر بوتوغریده فکر بیلدیرمهگن.
