Asset 1SWN

بغلان ده طالبان هجومی عاقبتیده ۱۲ حربی هلاک ایتیلگن

Shahra-1-p1jg09xnbuk6p42161ykyr53exmabtgdc3vy5vvyjw

بغلان امنیتی و محلی منبع‌لری نینگ ایتیش‌لریچه، طالبان حربی کوچلرنینگ بیر پوسته‌سی اوستیگه هجوم اویوشتیرگن کیم نتیجه‌ده، امنیتی کوچلردن ۱۲ ته‌سی هلاک ایتیلگن.

بغلان ولایتیدن ایشانچلی محلی و امنیتی منبعلرنینگ سلام‌وطندارگه ایتیش‌لریچه، اوتگن کیچه (یک‌شنبه، ۲۸- جدی) طالبان مذکور ولایت گه تیگیشلی بغلان-سمنگان و بغلان-قندوز قتناویولیده‌گی حربی کوچلرنینگ بیر پوسته‌سی اوستیگه هجوم قیلگن.

مذکور منبعلرنینگ ایتیش‌لریچه، طالبان نینگ بو هجومی عاقبتیده ۱۲ حربی هلاک و باشقه ۲ حربی تن جراحتی کوتاریب و شونینگدیک باشقه ۲ حربی ایسه درک‌سیز یوقالگن.

منبعلرگه کوره، طالبان مذکور پوسته نی بوتونلی تخریب قیلگن و شونینگدیک جسدلردن قطاری حاضرهم توپراق آستیده بند قالگن. منبعلرنینگ کوپه‌یتیریش‌لریچه،‌ بو آتیشمه‌لرده حربی کوچلرنینگ ایکی تانکی تخریب بولگن.

اوشبو منبعلرنینگ ایتیش‌لریچه، طالبان نینگ حاضرهم بو قتناو یولده گمرکی بار و یوک تاشووچی موترلدن کونده کمیده ۲ میلیون افغانی باج آله‌دی.

هلاک ایتیلگن عسکرلرنینگ اقارب‌لریدن قطاری جسدلرنی انتقال بیریش اوچون بغلان ولایتی کسلخانه‌سیده کیلگن. اولر بو ولایت محلی اداره‌سی نینگ توجه‌سیزلیککه عیب‌لب ایتیش‌لریچه، مذکور حربی‌لرگه هیچ قنده‌ی یاردم ییتیشمه‌گن.

بغلان ده لوا قومندانی فرید سیدخیلی مذکور آتیشمه‌لرده حربی‌لردن یالغیز ۳ ته‌سی نینگ هلاک ایتیلگنی نی تصدیق‌لب ایتیشیچه، طالبان نینگ هجومی آرقه گه اوریلیب و شونینگدیک مذکور گروه جنگریلری گه تلفات هم ییتیشگن.

طالبان حاضرگچه بو حقده فکر بیلدیرمه‌گن.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام