قندوز محلی و امنیتی مسووللری نینگ ایتیش‌لریچه، اوشبو ولایتده طالبان هجومی سبب، امنیتی کوچلردن بیرقطاری هلاک و یره‌لنگن.
قندوز ولایتی کینگش عضوی خال‌الدین حکیمی نینگ سلام‌وطندارگه ایتیشیچه، طالبان جنگری‌لری اوتگن کیچه ساعت ۱۰ ده اوشبو ولایت نینگ امام‌صاحب تومنی‌نی «اورته بوز» منطقه‌سیده امنیتی کوچلر پوسته‌سی اوستیگه هجوم قیلگن.
قندوز ولایتی کینگش اوشبو عضوی‌گه کوره، امنیتی کوچلر و طالبان آره‌سیده یوز بیرگن آتیشمه نیچه ساعت دوام قیلگن و نتیجه ده پولیس کوچلریدن ۴ ته‌سی و بیر کماندو شامل ملی اردو کوچلریدن ۶ ته‌سی هلاک و امنیتی کوچلردن باشقه ۱۰ ته‌سی یره‌لنگن.
عین‌حالده، قندوز پولیس قومندانلیگی سوزلاوچیسی انعام‌الدین رحمانی، امام‌صاحب تومنی نینگ «اورته بوز» منطقه‌سیده یوز بیرگن آتیشمه‌نی تصدیق‌لگن، لیکن طالبان هجومی نینگ کیین‌گه اوریلگنی‌نی بیلدیرگن.
جناب رحمانی، بو واقعه‌ده امنیتی کوچلرنینگ تلفات کورگنی‌نی تصدیق‌لگن، لیکن تلفات خصوصیده معلومات بیرمه‌گن.
۲۱۷ پامیر قول اردو قومندانلیگی بوتوغریده فکر بیلدیرمه‌گن و شونینگدیک، طالبان گروهی هم حاضرگه‌قدر بوتوغریده صحبت قیلمه‌گن.
