قندوز یشاوچیلریدن قطاری، اوشبو ولایت نینگ داروخانهلریده صفتسیز دارولر ساتیلیشیدن شکایت قیلماقدهلر.
اولر نینگ ایتیشلریچه، دارولر نینگ صفتسیزلیگی اوچون، نیچه مراتبه دارو ساتیب آلیشگه مجبور بولهدیلر.
قندوز یشاوچیلری مسئوللردن، داروخانهلرده صفتسیز دارولر ساتیلیشی و مملکت گه بو گَل دارولر وارد ایتیلیشیگه توسیق بولیشلرینی طلب قیلهدیلر.
قندوز یشاوچیلریدن احمدولی نینگ ایتیشیچه: «دارولر نینگ صفتی قویی دیر، بالهلر کسل بولگنده اوچ-تورت مراتبه دارو آلدیک ساغلمهدیلر، دارو صفتی یخشی بولسه کسل بیر مراتبه گه ساغلهدی.»
بیزلرنینگ فیسبوک صحیفهمیزگه باش اورینگ!
قندوزده شمالشرق زونی دارو خدمت کورسهتیش اتفاق باشلیغی عبدالاحد فرید نینگ ایتیشیچه، قطار کیشیلر ناقانونی روشده صفتسیز دارولرنی بازار گه وارد قیلهدی.
مذکور اتفاق آرقهلی نیچه مراتبه داروخانهلرگه، نارسمی کمپنیهلردن دارو ساتیب آلمسلیکلرینی ایتگنمیز دیدی عبدالاحد فرید.
اونینگ کوپهیتیریشیچه، قندوزده شمالشرق زونی دارو خدمت کورسهتیش اتفاقی عمده و پرچون ایکی بولیمده فعالیت قیلماقده، تورت مارکیت ده ۴۵۰ دوکان عمده و باشقه ۲۶۰ دوکان ایسه پرچون شکلده دارو ساتماقدهلر.
بیزلرنینگ توییترده هم تعقیب قیلینگ!
باشقه تاماندن، قندوز ساغلیقنی سقلش باشلیغی داکتر نجیبالله ساحل نینگ ایتیشیچه، اولر اوشبو ولایتده دارولر صفتی و شفری نسخهلرنی تیکشیریش مقصدیده بیر کمیته ایجاد ایتیشگن.
جناب ساحل گه کوره، صفتسیز دارولر قاچاق روشده داروخانهلر گه توزیع بولگن تقدیرده، کمیته اعضالری سودا قیلووچیلر بیلن قانونی یولباریشهدی.
قندوز یشاوچیلری مذکور ولایتدهگی داروخانهلرده صفتسیز دارولر ساتیلیشیدن عینحالده شکایت قیلماقدهلر که، نیچه کون آلدین قندوز ساغلیقنی سقلش ریاستی قندوز شهری داروخانهلریدن ۷ تُن صفتسیز و تاریخی اوتگن دارونی ییغیب آلاو بیرگن ایدی.