اوزبیکستان دن وارداتی برق نینگ ۵۰ فایزی کمهیشی و ۱۰دن آرتیق ولایتده برق پرچاویسی کوپهیشی بیلن بیرگه، کابل، غزنی و لوگر ولایتلریده صناعتچیلر و کسبهکارلردن قطاری نینگ ایتیشلریچه، برق یوقلیگی اولر نینگ تولید و درآمدلری میزانی نی کمهیتیرگن.
کابل شهریده صنعتی پارکلردهگی صناعتچیلردن بیری خالمحمد نینگ ایتیشیچه، سونگی کونلر برق پرچاویسی کوپهیگنی سبب، ایشخانهسی نینگ ایشلب چیقریش میزانی ۵۰ فایز گه قدر کمهیگن. اونینگ کوپهیتیریشیچه: «برقیمیز بیر هفته کیچه و بیر هفته کوندوز بار؛ برق یوقلیگی اوچون صناعتچیلر راضی ایمس؛ ماشینلریمیز یالغیز بیش ساعت ایسیق بولهدی. سکیز ساعت برقیمیز یوق که انه شوو سبب، ییترلی ایمس. بو آیلرده تولیدلریمیزدن ۵۰ فایزی کمهیگن.»
بیزلرنینگ «ایکس» ترماغی ده هم تعقیب قیلینگ!
شونینگدیک صناعتچیلردن باشقه بیری عبدالرئوف نینگ ایتیشیچه: «برقسیزلیک قیینچیلیگیمیز کوپهیگن دیر، حاضر ایسه کونده ۱۰ ساعت برقیمیز بار؛ بیر هفته ایسه کیچه تامان برقیمیز بار که قوللنه آلمهیمیز.»
باشقه بیر تاماندن، لوگر و غزنی ده کسبهکارلردن قطاری نینگ ایتیشلریچه، برق یوقلیگی سبب، آیده درآمدلریدن بیر بولیمی نی برقدن فایدهلنیش اوچون صرفلش گه مجبورلر.
غزنی یشاوچیسی جمشید نینگ ایتیشیچه: «برق کیسیلگن؛ جنراتور یاقیش گه مجبورمیز، اونینگ مصرفی ایسه یوقاری دیر و مین گه هیچ نرسه قالمهیدی.»
شونینگدیک لوگر یشاوچیلریدن خانظاهر نینگ ایتیشیچه: «سونگی کونلر برقسیزلیک و پرچاوی کوپهیگن دیر؛ قنچه کیچه و کوندوزدن بیری برقیمیز یوق؛ اوچ ساعت برق کیلهدی. بولگنی پیتده هم فایدهسی یوق.»
مذکور صناعتچیلر و کسبهکارلر، افغانستان برق ییتکزیش شرکتی (برشنا) دن، برق کملیگی قیینچیلیگی نینگ دایمی شکلده حل بولینیشی نی ایستهیدیلر.
اوزبیکستان نینگ وارداتی برق قیینچیلیگی مملکتده فنی قیینچیلیکلر سبب، ۵۰ فایز کمهیگن و کابل، خلم و خنجان سباستشنلری یانیده، باشقه ۱۱ ولایتده هم برق پرچاویلری کوپهیگن دیر.
عین حالده، افغانستان برق ییتکزیش شرکتی نینگ ایتیشیچه، مذکور نهاد ایچکی منبعلردن برق تأمینلش بیلن، افغانستان ده برق کملیگی قیینچیلیگی نی اساسی شکلده حل قیلیش اوچون سعی و حرکت قیلماقده.
برشنا سوزلاوچیسی حکمتالله میوندی نینگ ایتیشیچه: «قیش موسومیده، کوپینچه برق نی اوزبیکستان دن برق وارد قیلهمیز. افغانستان ده سونگی کونلر برق پرچاوی قیینچیلیکلری کوپهیگن، سببی ایسه مملکتده چیققن تخنیکی قیینچیلیک دیر. بدیل یوللردن برق تأمینلش اوچون سعی و حرکت قیلماقدهمیز.»
اقتصادی مسئلهلر بیلرمانلریدن قطاری نینگ ایتیشلریچه، افغانستان ده برق کملیگی قیینچیلیگی نی اساسی شکلده حل قیلیش خصوصیده، ایچکی منبعلر نینگ مدیریت بولیشی و برق ایشلب چیقرلیشی اوچون نور و سوو انرژیسیدن قوللنیش گه نیاز دیر.
بیزلرنینگ فیسبوک صحیفهمیزگه باش اورینگ!
اقتصادی مسئلهلر بیلرمانلریدن عبدالنصیر رشتیا نینگ ایتیشیچه: «قیینچیلیک نی حل قیلیش اوچون ایچکی منبعلر نینگ مدیریت قیلینیشی کیرهک. سوو انرژیسیدن برق تولید قیلیش دیر که باشقه مملکتلر گه آقگنی اورنیده، توغان قوریلیشی کیرهک. بوران و قویاش منبعلریدن قوللنیش کیرهک.»
برق کملیگی و دایم برقدن فایدهلنه آلمسلیک، افغانستان یشاوچیلری نینگ همیشهگی قیینچیلیکلریدن دیر. ارائه بولگن آمار اساسیده، افغانستان یشاوچیلریدن یالغیز ۳۸ فایزی برقدن فایدهلنه آلهدی.
