هر ییل قیش موسومی ییتیب-کیلیشی بیلن کابل شهریده برق جریانی پرچاو بوله‌دی و برق نینگ پرچاو ایتیلیشی ایشخانه‌لر فعالیتی نینگ توخته‌تیلیشی‌گه سبب بوله‌دی.
افغانستان برشنا شرکتی مسوول‌لری نینگ سلام‌وطندارگه ایتیش‌لریچه، کیله‌سی ییلده کابل برقی ۲۴ ساعت‌لیک ایتیلیشی اوچون بیر ریجه اوستیگه ایشلماقده‌لر.
برشنا شرکتی عملیاتی بولیمی باشلیغی صفی‌الله احمدزی نینگ ایتیشیچه، پلخمری دن ارغندی گچه انتقال بیریله‌دیگن ۵۰۰ کیلوولت برق لینی‌نی ۶۰% ایشی تکمیل بولگن و قالگن ایشی‌نی کیله‌سی ییلگه‌قدر تکمیل ایتیلیشی ممکن و تکمیل ایتیلگن صورتده، کابل برقی دایمی بوله‌دی.
بوندن آلدین اسلامی امارت مسوول‌لری، برشنا شرکتی دن قرضدار بولگن دولت سابق ایشلاوچی‌لری نینگ جایدادلری ساتیلیشیدن خبر بیرگن ایدی، لیکن جناب احمدزی نینگ بوتوغریده ایتیشیچه، قرضدار بولگن کیشی‌لرنینگ جایدادلرینی ساتیش خصوصیده حاضرگه‌قدر قرار قیلینمه‌گن.
برشنا شرکتی مسوول‌لری نینگ ایتیش‌لریچه، اوشبو مملکت برق بیره‌دیگن مملکت‌لردن ۸۸ میلیون دالر قرضدار دیر و افغانستان نینگ توخته‌تیلگن پول‌لری آزاد ایتیلگنگه‌قدر افغانستان نینگ برقی توخته تیلمه‌یدی.
