کابل ده امریکا ایلچی‌خانه‌سی آچیلیشی گه دایر گزارش‌لر ترقه‌لیشیدن سونگ، سرپرست حکومت سوزلاوچیسی ذبیح‌الله مجاهد نینگ ایتیشیچه، امریکا کابل ده ایلچی‌خانه‌سینی آچگن حالده، اسلام امیرلیگی خوش قرشی له‌یدی.
مجاهد نینگ سلام‌وطندار گه ایتیشچیه، امریکا افغانستان ده ایلچی‌خانه‌سینی آچگن حالده ایکی مملکت یشاوچیلری نینگ منفعتی گه دیر و اسلام امیرلیگی امریکا ایلچی‌لیگی و دیپلومات‌لری نینگ خوفسیزلیگینی تامینلش گه تیار دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «امریکا افغانستان بیلن دیپلوماتیک علاقه‌سینی کوچه‌یتیریب، ایلچی‌لیگی و دیپلوماتیک نماینده‌لیگینی فعال قیلگن حالده، اسلام امیرلیگی نینگ هیچ قیینچیلیگی یوق، بلکه امنیت‌لری تامینلنه‌دی و بو حرکت نی ایکی مملکت یشاوچیلری نینگ اونیمیگه بیله‌میز.»
ینگی‌لیکده، افغانستان خصوصیده امریکا تشقی ایشلر وزیرلیگی نینگ استراتیژیک سندی ییتکیرمه‌لر تامانیدن ترقه‌لگن که افغانستان ده عصیانچی گروه‌لر گه قرشی کوره‌ش، اقتصادی یاردم کورسه‌تیش و امریکا یشاوچیلری اوچون قنسولی خذمت کورسه‌تیش دیر.
بیزلرنینگ «ایکس» ترماغی ده هم تعقیب قیلینگ!
جمهوریت توزومی قوله‌شیدن سونگ قطر گه کوچیریلگن امریکا ایلچی‌لیگی کابل ده اوشبو ایلچی‌خانه نینگ قیته فعالیت گه باشله‌شینی تصدیقلمه‌گن؛ بیراق ایش بیلرمان‌لر نینگ ایشانچی گه کوره، امریکا سیاسی منفعتی اوچون افغانستان ده ایلچی‌خانه‌سینی قیته آچیش مقصد تلاش قیلماقده.
شونینگدیک، خلق‌ارا مناسبت‌لر ایش بیلرمان‌لریدن باشقه بیری محمدباقر محسنی گه کوره: «اسلام امیرلیگی چین و روسیه کبی امریکا نینگ رقیب‌لری بیلن علاقه‌سی بار و امریکا سیاسی، استخباراتی و خوفسیزلیک منفعتی اوچون افغانستان ده حضوری بولیب و وضعیت نی یقیندن کنترول و کوزه‌تیشنی ایسته‌یدی.»
عین‌حالده، امریکا نیچه مراتبه اسلام امیرلیگی خلق‌ارا قاعده‌لر، انسان حقلری اینیقسه عیاللر حقوقینی رعایت قیلگن حالده، اوشبو حکومت تامانیدن تن آلینیشینی معلوم قیلگن.
