اوشبو کورگزمه، «افغانستان قزاقلرینینگ مدنی مرکزی» تامانیدن قدیمی مدنیت، قول صناعتی و افغانستانده یشاوچی قزاقلرنینگ قالین صناعتینی تنیشتیریش و ترغیب قیلیش مقصدیده، بوگون (۱۲ سنبله/۳ سپتمبر، پنجشنبه) بلخ ولایتی مرکزی مزارشریف شهریده تشکیل ایتیلدی.
تشکیلاتچیلرینینگ ایتیشیچه، اوشبو کورگزمه صناعت، قدریتلر و مملکتده یشب کیلهیاتگن قزاقلرنینگ تاریخی میراثینی تنیشتیریش بیلن بیرقطارده، اولرنی یاش اولاد گه ییتکزیش اوچون هم امکانیت یرهتیشی ممکن.
اولر حکومتدن قزاق خلقینینگ مدنی میراثینی اسرهش و محافظه قیلیش مقصدیده مدنی دستورلر تشکیل ایتیش آرقهلی حرکت قیلیشنی سورهیدیلر.
شونگه قرهمی، بلخ ولایتی محلی مسئوللری، ایتنیک خیلمه-خیللیکنی اسرهش مهملیگینی ایتیب، هر بیر ملتنینگ مدنی میراثی و سنتی هنرلرینی سقلب قالیش اوچون تورلی دستورلرنی نظرگه آلیشلرینی بیلدیرهدیلر.
شونینگدیک، قزاقلر، افغانستاندهگی ایتنیک گروهلردن بیری بولیب، حاضرده مملکتنینگ شمالی ولایتلریده یشهیدی. گرچی بو خلقنینگ انیق سانی حقیده معلومات بولمسه-ده، اوشبو تدبیر تشکیلاتچیلرینینگ معلوماتلریگه کوره، افغانستانده آلتی مینگدن آرتیق قزاق اهالیسی استقامت قیلهدی.
