مملکت سوداگرلری نینگ تشبثی بیلن، کابل ده ایچکی و تشقی تورلی خیل کییم_کیچک اوچ کون‌لیک کورگزمه یولگه قوییلگن.
اوشبو کورگزمه ده ایرکک‌لر اوچون ۱۵۰غرفه و عیاللر اوچون ۱۵۰ غرفه اختصاص بیریلگن که اوشبو غرفه‌لرده ایچکی و تشقی تورلی خیل کییم_کیچک نمایش گه قوییلگن.
بیزلرنینگ فیسبوک صحیفه‌میزگه باش اورینگ!
مذکور کورگزمه آچیلیشی ده اسلامی امارت رسمی‌لری نینگ ایتیشلریچه، اولکه یشاوچیلرینی ایش بیلن تأمینلش اوچون ایریم ریجه‌لر کوزلنگن و یقینده سهامی بیر شرکت ایجاد بوله‌دی که بیرقطار سرمایه یاتقیزووچیلر قریب ۳۰۰ میلیون دالر سرمایه بیلن فعالیت قیلیش‌لری ممکن.
باش وزیر بیرینچی اورین باسری و اسلامی امارت نینگ اقتصاد کمیسیون باشلیغی ملاعبدالغنی برادر، بو گَل کورگزمه یولگه قوییلیشینی مهم دیب، هردایم سوداگرلر و سرمایه یاتقیزووچیلر برابری ده‌گی قیینچیلیکلر حلی اوچون سعی و حرکت قیلگن‌لرینی بیلدیره‌دی.
جناب برادر برچه سوداگرلردن، مملکت ده سرمایه یاتقیزیش بیلن، افغانستان‌نی اقتصادی نقطه‌ی نظردن خودکفا قیلیش‌لرینی سوره‌یدی.
باش وزیر بیرینچی اورین باسری نینگ ایتیشیچه: «امنیت تأمین ایتیلیشی بولیمیده ایشانچ بیره‌میز، عزت، مال و ملک‌لرینگیز محفوظ بولیشیگه ایشانچ‌لرینگیز کامل بولسین.»
عین‌حالده، صناعت و کان‌لر اتاقی اورین باسری سخی‌احمد پیمان نینگ ایتیشیچه، خصوصی بولیم؛ موجود قیینچیلیکلر بیلن ایریم ساحه‌لرده فعالیت‌لری گه دوام بیرماقده‌لر.
او اسلامی امارت دن، صناعتی کارخانه‌لر اوچون کوپراق ییر (زمین) اختصاص بیریب و تاش کومیردن برق ایشلب چیقریش خصوصیده جدی دقت قیلیش‌نی ایسته‌یدی.
صناعت و کان‌لر اتاقی اورین باسری نینگ کوپه‌یتیریشیچه، حاضر مملکت بویلب ۵ مینگ صناعتی کارخانه فعالیت قیلماقده که اوشبو کارخانه‌لرده مستقیم روشده ۴ مینگ کیشی و نا مستقیم روشده بیر میلیون کیشی ایش بیلن تأمینلنگن.
بیزلرنینگ توییترده هم تعقیب قیلینگ!
باشقه تاماندن ایران نینگ کابل ده‌گی مستشار ایلچیسی محمدحسن شیرزایی نینگ ایتیشیچه، اولر افغانستان خلقی بیلن تورلی ساحه‌لرده یاردم بیریش گه تیار و اوشبو ییل ده کابل ده کورگزمه‌لر یولگه قوییش‌لری ممکن.
ایتیش کیره‌ک که، بوندن آلدین کابل و باشقه قطار ولایت‌لرده ایچکی و تشقی کییم_کیچک کورگزمه‌لری یولگه قوییلگن ایدی.
