بوگون کابلده بیرینچی مرته خاتین قیزلر سوداگرلیک و صنعت اتاقی تامانیدن «عید بازار» کورگزمهسی آچیلدی. اوشبو کورگزمه ۵ کون دوام تاپییشی کوتیلهدی.
مذکور نمایشگاه تدبیرکارلری نینگ ایتیشلریچه، افغانستانده اسلامی امارت حاکم بولیشیدن کیین، بیرینچی مرته عیاللر ییتکچیلیگیده خاتین قیزلر نمایشگاهسی آچیلگن.
بیزلرنینگ فیسبوک صحیفهمیزگه باش اورینگ!
اوشبو کورگزمه مسئولی رویا حافظی نینگ ایتیشیچه، بو کورگزمهده ۷۰ غرفهده عیاللر نینگ قول صنعتی نمایش گه قوییلگن.
او تجارت ترقیاتی و افغانی تولیداتلر اینیقسه تدبیرکار عیاللرنی قوللب قوتلش اوچون بو کبی نمایشگاهلر اوتکزیلیشینی اونملی بیلهدی. اونینگ ایتیشیچه: «خورسندلیک بیلن بوکون برچه عیاللر بوتون بزنسلر نینگ ریاستی و سرپرستلیگینی آلگنلر.»
عینحالده، تدبیرکار عیاللر اولکه فقرالریدن، خاتین قیزلر نینگ تجارتیدن حمایت قیلیش مقصدیده اولرنی تولیداتلریدن خریدارلیک قیلیشلرینی سورهیدیلر.
بیزلرنینگ توییترده هم تعقیب قیلینگ!
سوداگر عیال سعیده غزنیوال نینگ ایتیشیچه، اوتگن ۹ آیده تجارتی فعالیتلر توختهتیلیشی و نمایشگاهلر اوتکزیلمسلیگی باعث عیاللر نینگ تجارتی ضعیفلشگن و حاضر عیاللر یرهتیلگن فرصتلردن فایدهلنیب منطقه و دنیا بویلب تجارتلرینی اوستیریش لری ممکن.
ایتیش کیرهک که، افغانی تولید و قول صنعتی اوچون بازار یوقلیگی، خاتین قیزلر نینگ تجارتی اونگیدهگی اساسی قیینچیلیکلردن سنلهدی.