بوگون ایرته‌لب هرات خاتین قیزلر تجارت و سرمایه یاتقیزیش اتاقی، رمضان هییت بیرمی عرفه‌سیده «هری زمین تدبیرکار عیاللر نینگ ایچکی تولیدلری» عنوانیده کورگزمه یولگه قویگن.
هرات خاتین قیزلر تجارت و سرمایه یاتقیزیش اتاق باشلیغی نرگس هاشمی، اوشبو کورگزمه یولگه قویلیشیدن مقصد، مذکور ولایت خاتین قیزلری نینگ تولیدلری و قول صنعت‌لرینی رواجلنتیریش عنوان قیلیب ایتیشیچه، اولر بو گَل کورگزمه‌لرنی اوتکزیش بیلن، عیاللر نینگ تولیدلرینی ایچکی و تشقی بازارلرده ساتیلیشی مقصدیده تلاش قیلماقده‌لر.
بیزلرنینگ فیسبوک صحیفه‌میزگه باش اورینگ!
نرگس نینگ ایتیشیچه: «اولر محصولات‌لرینی آل‌کیلیب و ساتیش گه اولگوردیلر، هییت کیچه‌سی یقین دیر، عیاللر محصولات‌لرینی هییت کیچه‌سیده ساتیش اوچون ینگی‌لیک بولیشنی ایسته‌دیک.»
باشقه تاماندن اوشبو کورگزمه‌ده قول صنعتی و تولیدلرینی کورگزمه گه قویگن تدبیرکار عیاللردن قطاری نینگ ایتیشلریچه، حاضرگی شرایط‌ده بو کبی کورگزمه‌لر اوتکزیلیشی، اولرنی تجارت و ایش اوچون ترغیب قیله‌دی.
ملکه جامی ییگولیک ماده‌لرنی پروسس و بسته‌بندلیک قیلیش شرکت باشلیغی نفس‌گل جامی نینگ ایتیشیچه: «خاتین قیزلرنی ترغیبلش و کیله‌جکلری گه امیدوار بولیش اوچون بو کورگزمه اوتکزیلدی، ایچکی و تشقی کورگزمه‌لر اوتکزیلیشینی امید قیله‌میز.»
هرات تدبیرکار عیاللر انجمن عضوی بینا صدیقی گه کوره: «عیاللر گه بازار تاپیش و خاتین قیزلر براردلری یانیده تجارتی فعالیت قیله‌یاتگنلری و اولر گه کیمسه توسیق بولمسلیکلرینی کورسه‌تیش اوچون بو کورگزمه‌نی یولگه قویدیک.»
بیزلرنینگ توییترده هم تعقیب قیلینگ!
برچه‌سی بیلن اوشبو نمایشگاه‌ده اشتراک ایتگن هرات معلومات و مدنیت باشلیغی نعیم‌الحق حقانی نینگ ایتیشیچه، اسلامی امارت اسلام قانون_قاعده‌لری اساسیده متشبث و تدبیرکار عیاللرنی قوللب قوتله‌یدی.
شونینگدیک هرات خاتین قیزلر سرمایه یاتقیزیش و سوداگرلیک اتاق مسئول‌لری گه کوره، غرب حوزه‌سی خاتین قیزلر سرمایه یاتقیزیش و تجارت اتاقی قیته‌دن فعالیت گه باشله‌شیدن کیین، اوشبو ولایت خاتین قیزلری نینگ قول صنعتی و تولیدلری بیرینچی کورگزمه‌سی دیر و اولر تدبیرکار عیاللرنی قوللب قوتلش اوچون سعی و حرکت قیلماقده‌لر.
بو کورگزمه تورت کونگچه دوام ایته‌دی.
