بیر قطار هیداوچی عیاللر اسلامی امارت نینگ بوقراریدن تنقید قیلیب ایتیشلریچه، اسلامی امارت نینگ بو قراری جامعه‌ده عیاللرنینگ حضوری کم رنگ بولیشی‌‌گه سبب بوله‌دی.
ینگی‌لیکده بیرقطار ولایتلردن منبع‌لر نینگ ایتیشلریچه، اسلامی امارت عیاللرگه هیداوچیلیک حجتی ترقه‌تیش پروسه نی توخته‌تگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، هیداوچی عیاللردن قطاری نینگ ایتیشلریچه،اسلامی امارت نینگ عیاللرگه هیداوچیلیک حجتی توزیع ایتیلمس‌لیگی خصوصیده بیرگن بویروغی عیاللر نینگ جامعهنی یریمی اوله‌راق قبول قیلمس‌لیکلرینی کورسته‌دی.
هرات هیداوچی عیاللریدن بیری ثنا حجتی نینگ ایتیشیچه، اسلامی امارت نینگ عیاللرگه قرشی چیکلاو یرهتیشی عیاللر نینگ وضعیت یخشی‌له‌نیشی برابریده بولگن آرزو امیدلرینی ییربیلن یکسان قیلگن.
خانم حجتی نینگ کوپه‌یتیریشیچه، موتر هیده‌ش چاغی‌ده اسلامی امارت کوچلری نینگ ناتوغری یانده‌شوولریدن قوریب هیداوچیلیک قیله‌دی.
شونده‌ی بیرحالده، خانم علینا رسا که جمهوریت تیزمی قوللشدن آلدین جوزجانده هیداوچیلبک قیلر ایدی، او نینگ ایتیشیچه، حاضر اوتمیشلر کبی هیداوچیلبک قیله آلمه‌یدی.
اونینگ کوپه‌تیریشیچه: «هیداوچیلیک قیلیش برچه یشاوچیلرنینگ اساسی حق‌لریدن دیر، بیراق اوشبو حق‌لر حاضرگی شرایطده عیاللردن آلینگن و عیاللر هیداوچیلیک قیله‌آلمه‌یدیلر و اسلامی امارت تامانیدن کوپینچه چیکلاولر یره‌تیلگن.»
عیاللرگه هیداوچیلبک حجتی ترقه‌تیلمس‌لیگی خصوصیده‌گی بویروغ رسمی شکلده صادر قیلینمه‌گن، بیراق بیرینچی مراتبه هرات ترافیک ریاستی، فرانسه آژانسی‌گه ایتگن دیرکه عیال هیداوچیلرگه حجت ترقه‌تیلمس‌لیگی خصوصیده اولرگه شفاهی بویروغ بیریلگن.
بوتوغریده هرات ترافیک ریاستی مسئوللری نینگ فکرینی اورگه‌نیشنی ایسته‌دیک بیراق کوپینچه سعی و تلاش بیلن موفق بولمه‌دیک.
شونده‌ی بیرحالده، هرات امینه قومندانلیگی نینگ سوزلاوچیسی محمودشاه رسولی نینگ سلام وطندارگه ایتیشیچه، عیاللرگه هیداوچیلبک حجت ترقه‌تیش پروسه توخته‌تیلگن، بیراق اسلامی امارت عیاللر نینگ هیداوچیلبک قیلیشی خصوصیده ینگی بیر لایحه اوستیده ایشله‌ماقده‌لر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوشبو لایحه یکونله‌نیشی بیلن، عیاللرگه هیداوچیلبک حجتی توزیع قیلیش پروسه قیته‌دن باشله‌نیشی ممکن. اسلامی امارت نینگ عیاللرگه هیداوچیلیک حجتی توزیع ایتیلمس‌لیگی خصوصیده آلگن قراری اجتماعی ترماقلرده کوپینچه عکس‌العمللرگه سبب بولگن.
اجتماعی ترماقلردن فایده‌له‌یاتگن کیشیلردن قطاری نینگ ایتیشلریچه اسلامی امارت تامانیدن عیاللرگه قرشی یره‌تیلگن چیکلاولر اسلامی امارت نینگ عیاللر حقوقی خصوصیده بیرگن وعده‌لریگه قرشی دیر.
