افغانستان اسلامی امارتی سفر جریانیده عیاللرگه یرهتیلگن چیکلاولر توغریسیده امر بالمعروف و نهی عنالمنکر وزیرلیگی نینگ ینگی رهنمودی انسان حقلری نینگ کوزهتووچی تشکیلاتی تامانیدن عکسالعمل گه روپهرو بولگنی نینگ منفی تبلیغات دیگن.
اسلامی امارت سوزلاوچیسی نینگ اورینباسرلریدن بیری انعامالله سمنگانی توییتر صحیفهسیده یازیشیچه، اسلامی امارت عیاللر حقلریگه توجه قیلمهیشی توغریسیده انسان حقلری نینگ کوزهتووچی ادارهسینی ادعاسی «شایعه» دیر.
سمنگانی نینگ اورغولشیچه، اسلامی امارت مملکت بوتون یشاوچیلری نینگ حقوقی نی رعایت قیلیش گه متعهد دیر و اولرنینگ ایش و تعلیم کوریش حقی اسلامی شریعت چارچوبهسی اساسیده تعیینلنهدی.
اسلامی امارت امر بالمعروف و نهی عنالمنکر وزیرلیگی بیر مکتوب آرقهلی هیداوچیلرگه ینگی توصیهلر ارایه قیلگن. اوشبو مکتوبده کیلیشیچه، هیداوچیلر حجابسیز عیاللرنینگ موترلری گه میندیرمهیشلری کیرهک و شونینگدیک ۴۵ مایلدن کوپ بولگن یوللرده عیاللر نینگ شرعی محرمی بولیشی کیرهک.
بیزلرنینگ فیسبوک صحیفهمیزگه باش اورینگ!
انسان حقلرینی کوزهتووچی تشکیلاتی مذکور چیکلاولردن تنقید قیلیب ایتیشیچه، اوشبو دستورالعمل عیاللر نینگ حبس قیلیش اوچون بیر حرکت دیر. انسان حقلرینی کوزهتووچی تشکیلاتی نینگ عیاللر حقلری مدیر اورینباسری هدر بار، فرانسه خبرگزارلیگی گه ایتیشیچه، مذکور چیلاولر عیاللردن فرصتلرنی آلهدی که بو فرصتلر ایرکین شکلده یوریش و باشقه شهرلرگه سفر قیلیش و سوداگرلیک دیر.
شونینگدیک بوندن آلدین اسلامی امارت رسمیلری عیاللر خصوصیده دستورالعمللر ارایه قیلگن ایدی و اولر افغانستانده قدرت گه ایریشگنیدن کیین، عیاللرنینگ ایش گه کیتیشی و تعلیم کوریشلری محدود بولگن.