افغانستان ژورنالیستلر ملی اتحادیه‌سی نینگ رسانه‌لر مسئولی مسرور لطفی، امر باالمعروف و نهی عن‌المنکر وزیرلیگی نینگ دستورالعملی گه قرشی عکس‌العمل کورسه‌تیب ایتیشیچه، اسلامی امارت رسانه‌لرگه چیکلاو یره‌تیش اوچون سعی و حرکت قیلماقده.
جناب لطفی سلاموطندار بیلن صحبت اوتکزیب ایتیشیچه، رسانه‌لرنینگ نشراتی نی قنده‌یلیگی گه چیکلاو یره‌تیب و باسیم کیلتیریش، رسانه اجتماع‌سینی نابود قیلیشی ممکن.
ژورنالیستلر ملی اتحادیه رسانه مسئولی نینگ کوپه‌یتیریشیچه، رسانه‌لر برابریده توغری حقوقی طرزالعمل بولمه‌گن بیرحالده، رسانه‌لرگه چیکلاو یره‌تیش سوز ایرکین‌لیگی گه ضرر ییتیشتیره‌دی.
شونینگدیک رسانه‌لردن حمایت قیلووچی نهاد‌لری نینگ عکس‌العمل‌لری یانیده، اجتماعی ترماقلر فعاللری هم اسلامی امارت نینگ دستورالعملی دن خواطر بیلدیریشگن.
بیزلرنینگ فیسبوک صحیفه‌میزگه باش اورینگ!
اجتماعی ترماقلر فعاللری نینگ ایتیش‌لریچه، مملکت وضعیتی کونسایین یمان‌لشماقده و اسلامی امارت قیینچلیک‌لرنینگ حل قیلیش اورنیده، رسانه‌لرنی هدف قرار بیره‌دی.
امر باالمعروف و نهی عن‌المنکر وزیرلیگی نینگ ۸ ماده‌لیک دستورالعملی ده رسانه‌لردن عیال خبرچیلر اسلامی حجاب نینگ رعایت قیلیب و عیاللر فلم‌لر و تلویزیونی کورگزمه‌لرگه حضور تاپیش دن وازکیچیش‌لری سوره‌لگن.
مذکور دستورالعمل ده اسلامی شریعت گه قرشی تشقی سریال‌لر نشر ایتیلمه‌ی و رسانه‌لر دین و انسانی کرامت گه قرشی برنامه‌لرنینگ نشر ایتیش دن وازکیچیش‌لری هم سوره‌لگن.
