قندوز ده خبرچیلرنینگ حمایت قیله‌دیگن نهادلر تامانیدن ترقه‌تیلگن آمارلر اساسیده، اسلامی امارت قدرت گه ایریشمسدن آلدین بو ولایتده، ۲۰ دن آرتیق رادیو، تلویزیون و چاپی رسانه فعالیت قیله‌دی ایکن.
بیراق دولت سقوط قیلگنیدن کیین اینیقسه سونگی بیر آیده، بیر تلویزیون و ۴ رادیو دن باشقه برچه رسانه‌لر مالی قیینچلیکلر و طالبان تامانیدن یره‌تیلگن چیکلاو باعث فعالیت دن قالگن.
قندوز ده رسانه ایشلاوچی‌لریدن قطاری نینگ ایتیش‌لریچه، ایکی آیدن بویان هیچ بیر امکانیت و معاش بولمسدن بو رسانه‌لرگه فعالیت قیله‌دیلر. اولرگه کوره، بو مدت ده هیچ قنده‌ی عایدلری یوق ایکن و قیینچلیک‌لرینی حل قیله‌دیگن اعلاناتلر و پروژه‌لر هم حاضر باغلنگن.
بیزلرنینگ فیسبوک صحیفه‌میزگه باش اورینگ!
قندوز ده ایرکین خبرچیلر انجمنی مسئولی فیصل نوری نینگ ایتیشیچه، طالبان قدرت گه ایریشگنیدن کیین، رسانه‌لر ایرکین‌لیگی نی قولدن بیرگن. اونینگ آگاه‌لنتیریشیچه، رسانه‌لردن حمایت قیلووچی نهادلر و معلومات و مدنیت وزیرلیگی بو توغریده توجه قیلمه‌گن صورتده، باشقه نیچه کون گچه قندوز ده هیچ بیر فعال رسانه قالمه‌یدی.
قندوز ده ۱۵ رسانه اقتصادی قیینچلیک و طالبان تامانیدن یره‌تیلگن چیکلاو باعث فعالیت دن قالگن بیرحالده، بوندن آلدین بو ولایتده اسلامی امارت تامانیدن خبرچی عیاللرگه ایش اوچون رخصت بیریلمه‌گن ایدی.
