افغانستان ده اسلامی امارت نینگ قدرت گه ایریشگنیدن کمیده ۱۳ آی اوتگن، بیراق حاضرگچه اوشبو حکومت هیچ بیر مملکت تامانیدن رسمیت گه تانیلمه‌گن.
شونده‌ی بیرحالده، تشقی ایشلر وزیرلیگی سرپرستی امیرخان متقی بوگون «دولت نینگ ملت گه حساب بیریش» برنامه‌سیده ایتگن که، اولر تشقی مملکت‌لر بیلن مناسبت‌لری نینگ ینگی بولیمی نی باشلگنلر.
اونگه کوره، حاضر ایسه افغانستان ده خلق‌ارا تشکیلات‌لر و مملکت‌لر نینگ ۲۱ نماینده‌لیگی فعالیت قیله‌دی و اوشبو وزیرلیک افغانستان نینگ ۳۵ قونسلی و سیاسی نماینده‌لیگی بیلن مملکت‌دن تشقی‌ده ارتباط‌ده دیر.
بیزلرنینگ فیسبوک صحیفه‌میزگه باش اورینگ!
مذکور ییغین‌ده امیرخان متقی نینگ کوپه‌یتیریشیچه، اولر تشقی مملکت‌لر بیلن بولگن علاقه‌لریدن رسمی بیر رابطه گه ایگه‌لر.
جناب متقی مملکت‌لردن قطاری‌ده یولگه قوییلگن ییغین‌لرده اشتراک قیلیش اوچون قیلگن سفرلری و بیر قطار مملکت‌لر تامانیدن اسلامی امارت نماینده‌لری نینگ قبول بولگنی نی رسمی مناسبت‌لری نینگ بیلگیسی عنوان قیله‌دی.
انسان حقوقی نی رعایت قیلیش، همه‌شمول حکومت و تروریزم گه قرشی کوره‌ش افغانستان حاضرگی حکومتی نینگ رسمیت گه تانیلیشی اوچون دنیا جماعه‌سی تامانیدن ارائه بولگن شرط‌لردن دیر.
بیراق تشقی ایشلر وزیرلیگی سرپرستی امیرخان متقی نینگ ایتیشیچه، افغانستان حاضرگی حکومتی نینگ رسمیت گه تانیلمه‌یشی اوچون اوشبو شرط‌لر قناعت‌لی ایمس.
جناب متقی نینگ کوپه‌یتیریشیچه، اسلامی امارت سرپرست حکومتی اوشبو موردلر نینگ برچه‌سی گه پابند دیر.
بیزلرنینگ توییترده هم تعقیب قیلینگ!
تشقی ایشلر وزیرلیگی سرپرستی دنیا جماعه‌سی تامانیدن اسلامی امارت حکومتی نینگ همه شمول بولمه‌گنی خصوصیده‌گی فکری نی حیرت‌لی دیب و تاکید قیلگن که، دنیا‌ده هیچ بیر مملکت نینگ رسمیت گه تانیلیشی اوچون اوشبو معیار یوق دیر.
شونده‌ی بیرحالده، بوندن آلدین مملکت‌لر و تشکیلات‌لردن قطاری افغانستان اسلامی امارت سرپرست حکومتی بیلن علاقه‌لری نینگ مقصدی نی، افغانستان وضعیتینی تیکشیریش دیب اعلام قیلگنلر.
