افغانستان کتته اوزگریش بیر ییل نی اوتکزدی و بیر ییل‌دن بیری ینگی رهبرلیک افغانستان نی باشقریب کیلماقده. افغانستانده اسلامی امارت توزومی اوتمیش ۱۴۰۰-ییل ۲۴-اسد، افغانستان نینگ سابق جمهور رئیسی اشرف غنی نینگ قاچیشی بیلن قیته قدرت گه ایریشیب و بیر ییل نی سابق حکومت نینگ آستقورمه‌لری و کوپینچه موضوع‌لر بیلن حکومت قیلدی.
اسلامی امارت نینگ قدرت گه ایریشگنیدن بیر ییل اوتگنی بیرحالده، مذکور مملکت یشاوچیلری بو مدت‌ده عامه خذمت‌لر گه قول تاپیش خصوصیده کوپینچه قیینچیلیکلر بیلن روپه‌ره ایدیلر.
رواجلنیش بولیمی اوچون ییترلیچه بودیجه یوقلیگی، بانکی سیستم‌لر نینگ فلج‌لیگی، اداره‌لر اینیقسه خدمتلر اداره‌لریده کدر‌لر نینگ قاچگنی، مملکت‌ده عامه خذمت‌لر گه قول تاپیش خصوصیده اهالی گه جدی شکلده زیان ییتیشتیرگن.
بیزلرنینگ توییترده هم تعقیب قیلینگ!
سونگی بیر ییلده امکانیت یوقلیگی سبب، ساغلیق خذمت‌لر نینگ عرضه قیلینیشی قیینچیلیکلر بیلن روپه‌ره بولیب و خلق‌ارا تشکیلات‌لر افغانستان ساغلیک سیستمی نینگ سقوط قیلیشیدن آگاه‌لنتیریب، بو بولیم خصوصیده یاردم نی باشله‌گنلر و حاضرگچه اوشبو مملکت ساغلیق سیستمی دنیا ساغلیق تشکیلاتی‌دن حمایت قیلیب قناعت‌بخش شکلده فعالیت قیله‌دیلر.
سابق حکومت‌ده عامه ساغلیق وزیرلیگی نینگ ساغیق خذمت‌لر نی عرضه قیلووچی معینی فدامحمد پیکان نینگ سلام‌وطندار گه ایتیشیچه، افغانستان نینگ حاضرگی حکومتی‌ده ساغلیک سیستم، مدیریتی و پالیسی توزه‌تیش قیین‌چیلیگی گه روپه‌ره دیر.
شونینگدیک مملکت‌ده عامه خذمت‌لر نی ارائه قیلووچی اداره‌لر قناعت‌لی شکلده فعالیت قیلمه‌گنلر و اهالی ایشلری نینگ طی مراحل قیلیش و اداره‌لر گه قول تاپیش خصوصیده قیینچیلیکلر بیلن روپه‌ره ایدیلر.
مذکور قیین‌چیلیک‌لردن کوپینچه‌سی پولی خدمتلر، کیم‌لیک ترقه‌تیش و پاسپورت اداره‌لریده موجود بولیب و شونینگدیک اهالی نینگ کوپینچه تنقیدی هم بو تامان‌دن بولگن دیر.
شونده‌ی بیرحالده، اسلامی امارت سرپرست حکومتی نینگ بیرینچی ییلی‌ده، دولتی اداره‌لرده‌گی ایشلاوچیلردن مینگ‌لرچه‌سی بست تنقیصی یا-ده ایشدن بوشه‌تیلگنلر.
مستعار اسم بیلن علی حسین وزیرلیک‌لردن بیریده ۳ یریم ییل بیر پست‌ده ایشلگنی‌دن کیین، اسلامی امارت سرپرست حکومتی تامانیدن ایشی‌دن بوشه‌تیلگن دیر.
اونینگ ایتیشیچه، اسلامی امارت حکومتی‌ده اوچ آی ایشله‌گنیدن کیین، بستی‌دن تنقیص بولگنیدن خبر بیریلیب و شونینگدیک یوزلرچه ییگیت اونینگ کبی ایشدن بوشه‌تیلگن دیر. اونگه کوره، سرپرست حکومتی نینگ قراری او و باشقه بیر قطار ایشدن بوشه‌تیلگن همکارلری نینگ روحیه‌سی گه ایجابی تاثیر قویگن دیر.
عین حالده، اسلامی امارت سرپرست حکومتی مسئوللری بوندن آلدین نیچه مرته ایتگنلر که، اوز حاکمیتی‌ده شفافیت نی تامین قیلیب و فساد‌دن توسیق بولگن دیر. ینه هم اسلامی امارت نینگ حکومت‌دارلیگی خصوصیده دایم تنقید‌لر موجود دیر.
سیاسی مسئله‌لر بیلرمانی میرویس آشفته نینگ ایتیشیچه، افغانستان نینگ حاضرگی حکومتی حکومت‌دارلیک پایلیسی ترتیب قیلیش خصوصیده ناکام بولگن دیر.
بیزلرنینگ فیسبوک صحیفه‌میزگه باش اورینگ!
اسلامی امارت سرپرست حکومتی هیچ بیر مملکت تامانیدن رسمیت گه تانیلمه‌ی و شونینگدیک مملکت‌ده قشاق‌لیک و ایش‌سیزلیک نظیری کوریلمه‌گن درجه‌ده کوپه‌یگنی بیرحالده، اوشبو حکومت قدرت گه ایریشگنیدن بیر ییل بولماقده.
شونده‌ی بیرحالده، حکومت اوتگن بیر ییلده رسمیت گه تانیلیشی اوچون دنیا جماعه نینگ شرط‌لری اینیقسه عیال‌لر حقوقی، یشاوچیلر حقوقی و همه شمول دولت تشکیل بیریش اوچون رسمیت گه تانیلشی خصوصیده دنیا جماعه نینگ قناعتی نی قولگه کیلتیرمه‌گن.
