اسلامی امارت ۲۰ ییل‌دن کیین، اوتمیش ۲۰۲۱-ییل ۱۵-آگست‌ده قدرت گه ایریشدی که، بو حکومت نینگ قدرت گه ایریشگنیدن ایرته دوشنبه بیر ییل بوله‌دی.
اوتگن بیر ییل یشاوچیلر اوچون کوپ قیین بیر ییل ایدی، شونینگدیک بیلرمان‌لر اوشبو ییل نینگ اسلامی امارت اوچون هم قیین بیر ییل بولگنی نی بیلدیرگنلر.
بیزلرنینگ فیسبوک صحیفه‌میزگه باش اورینگ!
بیلرمان‌لر نینگ ایشانچ‌لری گه کوره، اسلامی امارت قدرت گه ایریشگنیدن کیین، حاضرگی وضعیت اساسیده سیاست میدانی‌ده آلغه کیته آلمه‌ی و خلق‌ارا مشروعیت نی کسب قیله آلمه‌گن، چونکه حاضرگچه هیچ بیر مملکت تامانیدن رسمیت گه تانیلمه‌گن.
سیاسی تحلیل‌چیلردن وحید فقیری نینگ ایتیشیچه، اسلامی امارت اوتمیش بیر ییل جریانیده دنیا جماعه نینگ شرط‌لری نی عمل گه آشیره‌آلمه‌گن دیر.
اسلامی امارت دنیا جماعه‌سی تامانیدن رسمیت گه تانیلمه‌گنی اهالی نی کوپینچه اقتصادی قیین‌چیلیک‌لر بیلن روپه‌ره قیلگن. اسلامی امارت نینگ قدرت گه ایریشگنیدن کیین، ایچکی و تشقی سرمایه یاتقیزووچیلر سرمایه‌لری نی افغانستاندن چیقرگنلر، افغانستان سرمایه‌لری دنیا بانک‌لریده باغلنگن، افغانستان بانک‌لریدن خلق‌ارا اعتماد کمه‌یب و اوشبو حکومت‌دن آلدین افغانستان اهالی‌سی گه بوله‌دیگن یاردم‌لر یکونلنگن دیر.
شونده‌ی بیرحالده، بیلیم یورت اوقیتووچیسی و اقتصادی مسئله‌لر تحلیل‌چیلردن عبادالله ناصری افغانستان اقتصادی نینگ قیته توزه‌تیلشی اوچون دنیا بیلن رابطه نی اونملی دیب و کوپه‌یتیریشیچه، افغانستان گه خلق‌ارا یاردم بولمه‌گنی صورت‌ده، ایچکی منبع‌لر بیلن نیازلری نی برآورده قیله آلمه‌یدی.
شونده‌ی بیرحالده، اسلامی امارت قدرت گه ایریشیب مملکت امنیتی نینگ تامین قیلیگنی نی بیر ییل یوتوق‌لری دیگنی بیرحالده، بیراق حاضرگچه اوشبو مملکت نینگ پایتختی، ولایت‌لری، قوم بویوک‌لری و حکومتی تاسیس‌لر هجوم‌لر گه شاهد ایدیلر.
بیزلرنینگ توییترده هم تعقیب قیلینگ!
حربی مسئله‌لر بیلرمانی یوسف امین‌زازی، اسلامی امارت تامانیدن امنیت تامین‌لنگنی خصوصیده ایشانچ بیرگن، بیراق ترورچیلیک گروه‌لر و هراس افگن‌لر فعالیتی خصوصیده خواطرلی دیر.
شونینگدیک بو توغریده اسلامی امارت فکری نی آلیش اوچون سعی و حرکت قیلدیک، بیراق کییت‌مه کییت قونقیراغ بیلن موفق بولمه‌دیک.
