اوتکن ییل ثور آیی‌نینگ ۱۸ – کونی ایدی؛ کابل نینگ غربیده جایله‌شگن سیدالشهدا مکتبی ۳ قانلی هجوم گه گواه بولدی. بو هجوم‌لر عاقبتیده ۳ یوزدن آرتیق کیشی اولیب یره‌لندی، قربان‌لرنی کوپینچه‌سی ایسه قیز اوقووچیلر ایدی. بیراق بو حادثه نینگ سلبی تاثیرلری بیر ییل‌دن کیین حاضر هم موجود.
بو واقعه تاثیرلری ایسله‌تیلگن حالده؛ اونگه گواه بولگن کیشی‌لرنینگ ایچلری تولیب، قیغولنه‌دی.
سیدالشهدا مکتبی نینگ خادمی بولمیش زینب حادثه قربان‌لریدن بیری دیر، زینب بو حادثه‌ده یره‌لنگن ایدی، اونی ایتیشیچه، حاضرهم یخشی شکلده دوالنمه‌گن.
بیزلرنینگ فیسبوک صحیفه‌میزگه باش اورینگ!
سیدالشهدا مکتبی اوستیده اویشتیریلگن هجوم قربان‌لریدن ینه بیرته‌سی حکیمه دیر، حکیمه بو حادثه‌دن کیین بویوک بیر روحی باسیم‌نی اوزی بیلن آلیب کیلماقده، بونگه علاوه او مذکور حادثه‌ده جدی زیان کورگن، ایکی قولی هم حاضرگچه توزالمه‌گن.
اونینگ ایتیشچه: «بیز بیرینچی پارتلش‌ده یره‌لندیک، کوپ بیر یامان حادثه ایدی یره‌تگن ربیم بو کبی حادثه‌نی باشقه کورستمه‌سین، اوز کوزلریم بیلن کوردیم اهالی قانگه بویالیب یاتگن ایدیلر بیرقطاری کیشلر نینگ باشی و قوللری اوزیلیب کیتگن ایدی.»
حکیمه‌نینگ ایناغه‌سی محمد ایوب‌گه ایتیشیچه، اولر اقتصادی قیینیچلیک‌لر باعث سینگلی‌سی، حکیمه‌نی دوالشگه قادر بولمه‌گن‌لر.
اونینگ کوپه‌یتیریشچه، « بیز نینگ اقتصادی وضعیتی میز جوده یامان، حکیمه‌نی دوالشگه قادر ایمس میز مینی آتم ایکینچیلیک کسبی بیلن شغلنه‌دی بو وضعیت بیلن اونی دوالشگه کوچی‌میز ییتمه‌یدی.»
باشقه بیرتاماندن کابل یشاوچیسی بولمیش رستم‌نینگ ایتیشیچه، بو حادثه‌ده اونینگ ۲ قیزی یره‌لنگن ایدی. رستم‌نی قیزلریدن بیرینی قولی و باشقه بیرته‌سینی هم ایاغی جدی زیان کورگن ایدی.
رستم نینگ کوپه‌یتیریشچه، مذکور واقعه‌دن کیین اونی عایله‌سی جدی قیینیچلیک‌لر بیلن روپه‌ره بولگن و حاضر هم پارتلش هجوم‌گه یقیندن گواه بولیب، قربان بولگن ایکی قیزی روحی کسلیلککه چلینگن، اولر کیچه‌لر اوخلمه‌ی، روحی کسلیکدن رنج ایلته‌دیلر.
رستم نینگ کوپه‌یتیریشیچه، اوشبو واقعه‌دن کیین او باله‌لرینی خواطرسیز تشقریده، اینقسه مکتب گه یوباره آلمه‌یدی.
بیزلرنینگ توییترده هم تعقیب قیلینگ!
ایتیش کیره‌ک دیرکه اوتکن ییل سیدالشهدا قیزلر مکتبی برابریده صادر بولگن پارتلش عاقبتیده کمیده ۸۵ کیشی اولیب باشقه ۲۴۰ کیشی یره‌لنگن ایدی.
افغانستان‌ده انسانی حق‌لری بوییچه بیرلشکن ملت‌لر تشکیلاتی نینگ مخصوص گزارشچیسی، سیدالشهدا مکتبی برابریده‌گی حادثه‌سی نی بیر ییللیگی مناسبتی بیلن بیر پیام ترقه‌تیب، بو حادثه قربان‌لری اوچون عدالت تامین ایتیلیشی‌نی طلب قیلگن.
دیمک بیر ییل جریانیده افغانستان‌ده جمهوریت تیزیمی قوللدی و اسلامی امارت یوزه‌گه کیلدی، شوندی بولسه هم حاضرچه قانلی هجوم‌لر دوام ایتماقده، ینگی‌لیکده رمضان آیی نینگ سونگی کونلریده مملکت بویلب ایریم منطقه‌لر اینقسه کابل، بلخ و کندز ولایت لریده‌گی بیرقطار مسجدلر، مکتبلر و دینی مکان‌لر هجوم‌لرگه گواه بولدی.
