مملکت تشقی ایشلر وزیرلیگی بوگون بیر اعلامیه ترقه‌تیب ایتیشیچه، مذکور وزیرلیک وزیری محمدحنیف اتمر، پاکستان تشقی ایشلر وزیری شاه‌محمود قریشی بیلن تلیفونی علاقه قوریب و اسلام‌آباد بوییچه افغانستان ایلچیسی نجیب‌الله علی‌خیل نینگ قیزی سلسله علی‌خیل نینگ اوغیرلنگنی توغریسیده پاکستان ایچکی ایشلر وزیری شیخ رشیداحمد نینگ بیاناتی نی «نامسلکی و وقت آلدین قضاوت قیلیش» دیگن.

پاکستان ایچکی ایشلر وزیری نینگ ایتیشیچه، پولیس نینگ تیکشیرووی اساسیده سلسله علی‌خیل نینگ اوغیرلنگنی قضیه‌سی آدم اوغیرلاوچیلیک ایمس، بلکیم خلق‌ارا بیر توطئه دیر. اونینگ اورغولشیچه، افغانستان ایلچیسی نینگ قیزی اوغیرلنمه‌گن، بیراق هند استخبارات تشکیلاتی غالمغال ایجاد قیلگن.

مملکت تشقی ایشلر وزیرلیگی نینگ اعلامیه‌سیده کیلیشیچه، محمد حنیف اتمر و شاه‌محمود قریشی اسلام‌آباد بوییچه افغانستان ایلچیسی نینگ قیزی نی اوغیرلنگنی خصوصیده جاری تحقیقات اوستیگه سوزلشگن. جناب اتمر اوشبو سوزلشووده پاکستان تشقی ایشلر وزیری نینگ بیاناتی توغریسیده خواطر بیلدیریب و ایتیشیچه، نامسلکی بیاناتلر و وقت‌دن آلدین قضاوت قیلیش، ایکی تامان علاقه‌لری و یکونلنمه‌گن جاری تیکشیروو گه جدی ضرر ییتیشتیره‌دی.

بیزلرنینگ فیسبوک صحیفه‌میزگه باش اورینگ!

پاکستان ایچکی ایشلر وزیری نینگ ایتیشیچه، پولیس نینگ تیکشیرووی اساسیده سلسله علی‌خیل نینگ اوغیرلنگنی قضیه‌سی آدم اوغیرلاوچیلیک ایمس، بلکیم خلق‌ارا بیر توطئه دیر.

شونینگدیک تشقی ایشلر وزیری نینگ ایتیشیچه، افغانستان تدقیقات آلغه کیتیش و شونینگدیک سلسله علی‌خیل نینگ اوغیرلنیش عامل‌لری قولگه آلینیب و محکمه بولگونگه قدر پاکستان بیلن همکارلیک قیله‌دی.

کیله‌جک کونلرده بو قضیه نی تیکشیریش اوچون افغانستان دن بیر هیأت پاکستان سفر قیلیشی گه قرار قیلینگن. تشقی ایشلر وزیرلیگی نینگ ایتیشیچه، تیکشیروولر و بو هیأت نینگ تدقیقاتی اساسیده کیینگی اقدام‌لرگه قول اوریشه‌دی.

عین حالده، شاه‌محمود قریشی نینگ ایتیشیچه، سلسله علی‌خیل نینگ قضیه‌سی جدی شکلده تیکشیریله‌دی و پاکستان باش وزیری عمران خان بویروغی اساسیده، بو توغریده‌گی تیکشیروو تیزلیککه یکونلنه‌یب و اجراآت صورت تاپه‌دی.

افغانستان دولتی اوتگن کون اسلام‌آباد بوییچه افغانستان ایلچیسی نجیب‌الله علی‌خیل و بو مملکت باشقه ییریک دیپلمات‌لرینی اسلام‌آباد دن چقیردی. شونینگدیک پاکستان تشقی ایشلر وزیرلیگی اوتگن کون افغانستان ایلچیسی و باشقه دیپلمات‌لری نینگ اسلام‌آباد دن چقیریلیشی نی تأسف‌لی دیگن ایدی.

تشقی ایشلر وزیرلیگی نینگ ایتیشیچه، افغانستان ایلچیسی و ییریک دیپلمات‌لری امنیتی تهدیدلر بوتونلی رفع بولیشی و شونینگدیک آدم اوغیرلگن کیشیلرنینگ جزالنتیریلیشی گه قدر، قیته پاکستان بارمسلیک‌لری ممکن.

کابل ده پاکستان ایلچیسی منصوراحمد خان مذکور اقدام دن کیین پاکستان قیتگن.

عین حالده، پاکستانلیک رسانه‌لرنینگ گزارشی اساسیده، شونینگدیک کابل ده پاکستان ایلچیسی منصوراحمد خان مذکور اقدام دن کیین پاکستان قیتگن. اونینگ قیتگنی نی دلیلی حاضرگچه بیللی بولمه‌گن. شونینگدیک افغانستان و پاکستان تشقی ایشلر وزیرلیک‌لری پاکستان ایلچیسی کابل دن اسلام‌آباد گه قیتگنی توغریسیده حاضرگچه هیچ بیر نرسه دیمه‌گن.

بیزلرنینگ توییترده هم تعقیب قیلینگ!

طالبان هم پاکستان ده افغانستان ایلچیسی نینگ قیزی اوغیرلنگنی گه عکس‌العمل کورستگن. قطرده مذکور گروه سیاسی دفتری سوزلاوچیسی محمد نعیم، اوتگن کیچه توییتر صحیفه‌سیده یازیشیچه، «پاکستان ده بیر افغانستانلیک قیز نینگ اوغیرله‌نیشی اسلام و انسانیت گه قرشی بیر اقدام دیر. بیزلر بو ایش نی جدی شکلده قاره‌لب و تقبیح قیله‌میز.»

قطر ده طالبان سیاسی دفتری سوزلاوچیسی نینگ ایتیشیچه، بو گروه پاکستان دولتی دن اوشبو حادثه عامل‌لری قولگه آلینیب و جزالنتیریش خصوصیدگی سعی و حرکتی نینگ تیزلشتیریش‌لرینی سوره‌یدی.

تشقی ایشلر وزیری شنبه کونی سلسله علی‌خیل اوتگن کون (جمعه ۲۵- سرطان) اسلام‌آباد ده اوغیرله‌نیب و جدی کلتکلنگنی نی اعلام قیلدی.

سلسه علی‌خیل

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام