پاکستان حکومتی نینگ ییریک بیر مقامی، رسانه‌لر بیلن اوتکزگن صحبتیده مذکور مملکت نینگ افغانستان ملی خوفسیزلیک مصلحتچیسی حمدالله محب بیلن بولگن رسمی علاقه‌لری کیسیلگنیدن خبر بیریب و ایتیشیچه، بوندن کیین اسلام‌آباد افغانستان ملی خوفسیزلیک مصلحتچیسی بیلن هیچ قنده‌ی ایکی تامانلمه علاقه قورمه‌یشی ممکن.
سیاسی ایش بیلرمانلر اوشبو علاقه‌لر کیسیلیشی نینگ ایکی مملکت آره‌سیده‌گی سیاسی علاقه‌لر و تینچلیک پروسه‌سیگه تأثیری نی جدی دیب و ایتیش‌لریچه، پاکستان افغانستان تینچلیگی گه یاردم بیرمه‌گن صورتده، بو پروسه قیینچلیک بیلن دوچ کیلیشی ممکن.
سیاسی ایش بیلرمان آصف آشنا، حکومتی رسمی‌لری نینگ جدی بیاناتی نی غیر دیپلوماتیک دیب و ایتیشیچه، افغانستان تینچلیک پروسه‌سیده پاکستان یاردم بیرمه‌گن صورتده، بو پروسه نتیجه گه ایریشمه‌یدی.
بیزلرنینگ فیسبوک صحیفه‌میزگه هم باش اورینگ!
«قیغو بیلن افغانستان سیاستی، تخصصی و مسلکی صلاحیتی بولمه‌گن بیر حلقه نینگ قولیگه توشگن. بیرینچی مرته آمریکا جناب محب نینگ غیر دیپلوماتیک بیاناتی باعث بیر ییل گچه خوفسیزلیک کینگشی و خوفسیزلیک مصلحتچیسی بیلن علاقه‌سینی کیسیب قویگن ایدی و حاضر پاکستان بونده‌ی بیر اقدام قیلگن. مینینگ ایشانچیم گه کوره، بو تینچلیک پروسه‌سی اوستیگه جدی تأثیر قویه‌دی.»
عین حالده، ایش بیلرمانلردن قطاری نینگ ایشانچ‌لریگه کوره، پاکستان نینگ سیاستی هیچ قچان اوزگرمه‌یدی و بیر کیشی بیلن بولگن علاقه‌سی، طالبان دن حمایت قیلیش موضعی گه تأثیر قویمه‌یدی.
- محب: خلیلزاد نینگ ریجه‌سی، تینچلیک سوزلشوولرنی سرعت‌لنتیره‌دی
- محب: امنیتی کوچلر طالبان گه قرشی اوروش گه تیار دیر
- محب: موقت حکومت، بیگانه‌لرنینگ دایمی دخالتی‌گه زمینه یره‌ته‌دی
- محب: ترکیه ییغینی نینگ آجنداسی و اشتراک قیله‌دیگنلر خصوصیده کیلیشوو صورت تاپمه‌گن
سیاسی ایش بیلرمانلردن باشقه بیری اکرم عارفی نینگ ایتیشیچه: «سیاسی نقطه‌ی نظردن ایکی مملکت گه سلبی تأثیر قویه آله‌دی، منتها عملی بولیمده هیچ قنده‌ی تأثیری یوق. پاکستان نینگ سیاستی بیر دیر و او طالبان دن حمایت قیله‌دی. شو یوزه دن عملی بولیمده هیچ قنده‌ی اوزگریش‌لیک کیلمه‌یدی. بیر کیشی بیلن علاقه نی کیسیش، دولت بیلن علاقه نی کیسیش معناسیگه کیلمه‌یدی.»
بیراق ملی خوفسیزلیک مصلحتچیسی حمدالله محب، بوگون امنیتی نهادلر بیلن اوتکزگن قوشمه خبری ییغینده، بو موضوع نی رسمی شکلده تأیید قیلمه‌ی ایتیشیچه، بو قرار غیر دیپلماتیک بولگن بیرحالده، بیراق ایکی مملکت علاقه‌لریده اونچه‌لیک تأثیر قویمه‌یدی.
بیزلرنینگ توییترده هم تعقیب قیلینگ!
محب نینگ کوپه‌یتیریشیچه: «بیرینچی ده علاقه نی کیسیش یا ده کیسمه‌یش نی اونچه‌لیک تأثیری یوق. علاقه‌لر حاضرگچه هم یخشی ایمس ایدی.»
ملی خوفسیزلیک مصلحتچیسی حمدالله محب، جاری ییل ۲۳- ثور آیی ده ننگرهار ولایتیده قیلگن سفر جریانیده پاکستان دن جدی تنقید قیلیب و ایتیشیچه، پاکستان قدرت ایسته‌یدیگن بیر گروه دن فایده‌لنیش بیلن، افغانستان ایچیده چیگره‌سینی کینگه‌یتیریش اوچون حرکت قیلماقده. شونینگدیک اونگه کوره، پاکستان گه هیچ قند‌ی عزت و فخر یوق دیر و پشتونلر و بلوچلر شامل پاکستان اقوامی اعتراض قیلیب و حق‌لرینی ایسته‌یدی.
پاکستان تشقی ایشلر وزیرلیگی جناب محب نینگ مذکور بیاناتی دن کیین، پاکستان بوییچه افغانستان ایلچیسی نی احضار قیلگن ایدی.
