بوگون “یکشنبه” جمهورلیک ریاستی نینگ ملی خوفسیزلیک مصلحتچیسی حمدالله محب نینگ کابلده خبری بیر ییغینده ایتیشیچه، افغانستان تینچلیک جریانی بوییچه امریکا خاص نمایندهسی زلمی خلیلزاد نینگ مشارکتی حکومت خصوصیده بولگن ریجهسی افغانستان حکومتی بیلن شریک قیلینگن.
ملی خوفسیزلیک مصلحتچیسیگه کوره، زلمی خلیلزاد نینگ ریجهسی آمریکا دولتی نینگ ریجه ایمس، بلکیم افغانستانلیکلر ارا سوزلشوولرنی سرعت بیریش اوچون بیر ساختار دیر.
جناب محب نینگ کوپهیتیریشیچه، زلمی خلیلزاد نینگ ریجهسیده قدرت تقسیم ایتیلیشی خصوصیده بحث قیلینگن. اونینگ ایتیشیچه، مملکتده اوروشنی یکونلنتیریش اوچون طالبان گروهی بیلن کیلیشوو صورت تاپگنی چیککهسیده، پاکستان بیلن هم سیاسی کیلیشوو صورت تاپیشی نیاز دیر.
عینحالده، افغانستان ایچکی ایشلر وزیری مسعود اندرابی نینگ ایتیشیچه، طالبان گروهی اوروش میدانیگه شکست بیلن دوچ کیلگن و هدفلی قتللر آرقهلی مقصدلریگه قول تاپیش اوچون سعی و حرکت قیلهدی.
افغانستان امنیتی مسووللری نینگ تاکید قیلیشلریچه، تینچلیک سوزلشوولر نتیجه بیرمهگن صورتده، امنیتی نهادلر اوروش اوچون هم تیارگرلیک آلگن دیر.