انسان حقوقی ایرکین کمیسیونی، دولت و طالبان مذاکره قیلووچی هیاتی‌دن سوزلشوولرنی قیته‌دن باشلش‌لرینی سوره‌گن.
بوگون “یکشنبه” انسان حقوقی ایرکین کمیسیونی نینگ توییتر صیحیفهسیده یازیشیچه: « کمیسیون سابق نشر قیلگن نامه‌نی قیته‌دن نشر قیلیش بیلن مذاکره قیلووچی هیات‌لر اعضالریدن مذاکره میزیگه قیتیش‌لرینی سوره‌ب و آتیش‌کیسین و اوروش‌نی یکونلنتیریش اوچون هرتامانلمه و مسوولانه سعی و حرکت قیلیش‌لرینی ایسته‌یدی.»
انسان حقوقی ایرکین کمیسیونی جاری ییل ۱۵ جدی گه بیر نامه نشر قیلیش بیلن افغانستان دولتی و طالبان مذاکره قیلووچی هیاتی‌دن زوروانلیکلرنی کمهیتیریب و آتیش‌کیسین اوچون کیلیشوولرینی سوره‌گن ایدی. اوشبو کمیسیون‌گه کوره، زوروانلیک دوام قیلیشی تینچ اهالی دن قربان‌لیک آله‌دی و تینچلیک خصوصیده بولگن امیدوارلیکلرنی کمه‌یتیره‌دی.
اوشبو نهاد تامانیدن نشر قیلینگن نامه‌ده ایتیلیشیچه: «بیز آتیش‌کیسین خصوصیده بولگن ایسته‌گی‌میزنی تکرار قیله‌میز و سیزلردن آتیش‌کیسین موضوعی خصوصیده بحث قیلیش اوچون قوشمه کمیسیون تعیین قیلیش‌لرینگیزنی ایستمه‌یمیز. افغانستان یشاوچی‌لرینی حیات، تینچلیک و اساسی آزادلیکلریدن فایده‌لنیش‌لری کیره‌ک.»
شونینگدیک، ملی مصالحه کینگشی شوروی کوچلری نینگ افغانستاندن چیقیشی مناسبتی بیلن بیر خبرنامه نشر قیلیب، تینچلیک تامین‌لنیشینی جدی نیازلردن عنوان قیلیب و ۴۰ ییل اوروش یکونلنتیریلشی اوستیگه تاکید قیلگن.
ملی مصالحه کینگشی تامانیدن نشر قیلینگن خبرنامه‌ده ایتیلیشیچه: «تینچلیک تامین‌لنیشی خصوصیده بولگن سعی و حرکت ۴۰ ییللیک اوروش‌نی یکونلنتیریب و زوروانلیکلرگه نقطه قویش‌گه زمینه یره‌تیشیدن امیدوار میز. تینچلیک تامین‌لنیشی اوچون هرقنده‌ی سعی و حرکت‌نی خوش قرشی‌له‌یمیز و تینچلیکنی جدی نیازلردن بیله‌میز.»
افغانستان دولتی و طالبان گروهی آره‌سیده بولگن سوزلشوولرنینگ ایکینچی دوری کمیده بیریریم آی آلدین باشلنگن، لیکن اوشبو سوزلشوولر نیچه کوندن سونگ، قیین‌چیلیک بیلن دوچ کیلیب توخته‌تیلگن ایدی و حاضرده سوزلشوولرنینگ قچان باشله‌نیشی بیللی ایمس.
اوتگن هفته ملی مصالحه کینگشی باشلیغی عبدالله عبدالله، طالبان گروهی نینگ سوزلشوولر میزنی ترک قیلگنیدن خبر بیرگن ایدی. اونینگ ایتیشیچه، نیچه مدتدن بویان طالبان گروهی و افغانستان دولتی هیاتی آره‌سیده مذاکره صورت تاپمه‌گن.
