ملی مصالحه کینگشی باشلیغی عبدالله عبدالله نینگ ایتیشیچه، طالبان گروهی بیلن اوتکزیله‌دیگن سوزلشوو مکانی، سوزلشوو نینگ ایکینچی دوری باشله‌نیشیگه توسیق بولمه‌یشی کیره‌ک.
جناب عبدالله بوگون ( چهارشنبه، ۲۶-قوس) کابل ده اوتکزیلگن ییغین ده صحبت قیلیب، تینچلیک مذاکره‌سی نینگ مکانی افغانستان دولتی بیلن طالبان گروهی نینگ کیلیشوویگه باغلیق و ایکی تامان اوشبو خصوصده سوزلشیشلری ممکن دیگن.
جناب عبدالله، تینچلیک مذاکره‌سی اوتکزیلیش مکانی حقیده بحث ایتیلیش دن خبر بیریب، لیکن تینچلیک مذاکره‌سی افغانستان ده اوتکزیلگن پیتده یخشی بولیشی نی بیلدیرگن.
افغانستان ایشلری بوییچه اروپا بیرلشمه سی نینگ خاص نماینده‌سی رولاند کوبیا اوشبو ییغینده آنلاین شکلده صحبت اوتکزیب، ایکی تامان آره‌سیده اورتاق هماهنگ‌لیک و هدف بولیش لازم دیگن.
افغانستان ایشلری بوییچه اروپا بیرلشمه سی نینگ خاص نماینده‌سی گه کوره، افغانستان یشاوچیلری تینچلیک مذاکره نینگ جزئیاتیدن خبری بولیشی کیره‌ک و افغانستان ده‌گی قتل و زوروانلیک‌لر توخته‌تیلیشی لازم بولگن.
هالند نینگ افغانستان ده‌گی بویوک ایلچیسی سسلیا ویجرز اوشبو ییغینده آنلاین صحبت قیلیب، تینچلیک مذاکره‌سیده عیال‌لر حقی نظرگه آلنیشی کیره‌ک و تینچلیک مذاکره‌سی نتیجه بیریش اوچون تلاش قیلیش لازم دیگن.
ملی مصالحه کینگش باشلیغی داکتر عبدالله عبدالله اوز سوزلری دوامیده، افغانستان ده دایمی تینچلیک تأمین بولیش اوچون اولکه یشاوچیلری تینچلیک مذاکره‌سی نینگ برچه روندیده دخیل بولیشی نیاز دیب و تینچلیک مذاکره‌سی روندی آتیش کیسین و اوروش تمام لنیشی بیلن ادغگه ایریشی اوستیده تأکید ایتگن.
عین‌حالده جناب عبدالله گه کوره، افغانستان اقلیت‌لری و اوروش قربان‌لری نینگ حقلری و یوتوق‌لری تینچلیک مذاکره‌سیده سقلنیشی کیره‌ک.
بوندن آلدین افغانستان جمهور رئیسی محمد اشرف غنی، طالبان گروهی افغانستان توپراق‌لریده بولگنی نی ادعا قیله‌دیلر؛ شوندی بیر حالده نیگه افغانستان توپراق‌لریده مذاکره قیلمه‌یدیلر دیگن ایدی.
اولکه جمهور رئیسی، افغانستان خلقی تینچلیک مذاکره‌سی قندی اوتیشی و نیمه‌حقیده بحث ایتیلیش دن خبر بولیشی مهم دیگن ایدی.
تینچلیک مذاکره‌سی نینگ بیرینچی دوری سنبله آیی نینگ ۲۲- کونی قطر اولکه‌سی نینگ پایتختی دوحه شهریده باشلنیب و قوس آیی نینگ ۲۲- کونی اداغگه ایریشدی و ایکینچی دوری جدی آیی نینگ ۱۶- کونی باشلنیشی ایتیله‌دی.
