افغانستان ملی مصالحه کینگشی، دوحه‌ده مذاکره قیلیووچی هیات‌لر آره‌سیده جدی بحث‌لر باشلنگنیدن خبر بیرگن.
بوگون “سه‌شنبه” ملی مصالحه کینگشی باشلیغی عبدالله عبدالله نینگ «ملی تینچلیک، میدیالر و مدنی جماعه» نامیده یولگه قوییلگن ییغینده ایتیشیچه، دوحه سوزلشوولری نینگ بیرینچی مرحله‌سی طرزالعمللر خصوصیده ایدی یکونلنگن و اوتگن کونی ایکی تامان اجندا توغریسیده بحث قیلگن.
جناب عبدالله نینگ کوپه‌یتیریشیچه، بوگون “سه‌شنبه” مذاکره قیلیووچی هیات اعضالری مصلحت قیلگن‌لر و ایرته هیات‌لر آره‌سیده جدی بحث‌لر باشله‌نیشی ممکن.
افغانستان حکومتی تامانیدن تعیین‌لنگن مذاکره قیلووچی هیات عضوی فاطمه گیلانی نینگ اوشبو ییغینده ویدیویی پیام آرقه‌لی ایتیشیچه، بیرینچی مرحله یکونلندی و اجندا خصوصیده ایش باشلنگن و مذاکره قیلیووچی تیم‌لر آره‌سیده بحث‌نی دوامی بار.
عین‌حالده، افغانستان ایرکین میدیالریدن حمایت قیلیووچی اداره یا-ده نی تشکیلاتی مسوول لری، تینچلیک سوزلشوولرده میدیالر و مدنی جماعه اورنی اوستیگه تاکید قیلیب ایتیش‌لریچه، اوشبو سوزلشوولرده میدیالرنینگ چیت گه قالمه‌یشی کیره‌ک.
افغانستان ایرکین میدیالریدن حمایت قیلیووچی اداره یا-ده نی تشکیلاتی باشلیغی مجیب خلوتگر نینگ ایتیشیچه، تینچلیک سوزلشوولرده افغانستان میدیالری تامانیدن نظارت قیلیووچی بیر هیات یوباریلیشی کیره‌ک.
شونینگدیک، انسان حقوقی و خلق ارا رابطه‌لر ایشلری بوییچه دولت وزیری سیما سمر نینگ ایتیشیچه، افغانستانلیکلر ارا سوزلشوولرده عیاللر، اوروش قربان‌لری، قربان بولگنلرنینگ عایله‌لری و مدنی جماعه نینگ اشتراکی نیاز دیر.
