بوگون “دوشنبه” ملی مصالحه کینگشی باشلیغی عبدالله عبدالله نینگ کابلده خبری بیر ییغینده ایتیشیچه، آمریکا نینگ افغانستانده‌گی حربی حضوری یکونلنگنیدن سونگ، ایکی مملکت آره‌سیده رابطه‌لر ینگی فصلی ایجاد ایتیله‌دی. اونینگ ایتیشیچه، آمریکا نینگ افغانستانده‌گی یاردم‌لری دوام تاپه‌دی، لیکن اوشبو یاردم‌لرنینگ شرط اساسی‌گه دوام قیلیشی ممکن.
ملی مصالحه کینگشی باشلیغی نینگ کوپه‌یتیریشیچه، امنیتی و دفاعی کوچلردن حمایت قیلیش، یوتوقلر سقله‌نیشی و سیاسی اجماع ایجاد ایتیلیشی آمریکا نینگ افغانستانده‌گی یاردم‌لری دوام تاپیشی‌گه زمینه یره‌ته‌دی.
جناب عبدالله نینگ ایتیشیچه، آمریکا، افغانستان امنیتی و دفاعی کوچلر اوچون ۳.۳ میلیارد دالر و انسان دوست‌لیک اوچون ۳۵۰ میلیون دالر یاردم بیریش‌گه تعهد قیلگن.
ملی مصالحه کینگشی نینگ کوپه‌یتیریشیچه: «اولر امنیتی و دفاع کوچلردن حمایت قیلیش اوچون سیاسی اجماع و افغانستان اهالی‌سی نینگ یوتوق‌لری سقله‌نیشی اوستیگه تاکید قیلگن.»
اوتگن “جمعه” کونی افغانستان‌لیک بیرهیات جمهور رییس محمداشرف غنی رهبرلیگی‌گه آمریکا گه باریب اوشبو مملکت رسمی‌لری بیلن اوچره‌شگن ایدی. بو سفر ایکی کون اوچون ریجه‌لنگن ایدی. افغانستان دولتی رسمی‌لری اوشبو سفرنی یوتوقلی عنوان قیلگن‌لر.
