جاری میلادی ییل ۲۵ جون‌ده افغانستان‌لیک بیر هیات‌نی جمهور رئیس محمداشرف غنی رهبرلیگی‌گه آمریکا گه سفر قیلیشی ممکن. جمهورلیک ریاستی نینگ عامه رابطه‌لر و استراتیژیک اداره‌سی باشلیغی وحید عمر اوتگن “سه‌شنبه” کونی امنیتی و دفاعی سکتورلر سوزلاوچیسی‌نی تانیشتیریش جریانیده جمهور رئیس غنی نینگ آمریکا ده‌گی سفرینی اونملی عنوان قیلگن.
اونینگ ایتیشیچه، ملی مصالحه کینگشی باشلیغی عبدالله عبدالله، جمهورلیک ریاستی بیرینچی اورین باسری امرالله صالح، ملی خوفسیزلیک کینگشی مصلحتچی‌سی حمدالله محب و انسان حقوقی ایرکین کمیسیونی باشلیغی شهرزاد اکبر مذکور هیات عضوی دیر.
بیراق، ملی مصالحه کینگشی نینگ بیرینچی اورین باسری عنایت‌الله بابر فرهمند اوشبو هیات ترکیبی‌نی نابرابر عنوان قیلگن.
جناب فرهمند نینگ توییتر صحیفه‌سیده یازیشیچه، تانیقلی قوم‌لرنینگ نماینده‌لری هیات‌نی هرتامانلمه بولیشی‌نی اثبات قیله‌دی، لیکن اوشبو هیات‌گه اعضا انتخاب بولمه‌گنلر.
آمریکا گه سفر قیله‌دیگن هیات نینگ ترکیبی اجتماعی ترماقلر فعال‌لری نینگ واکنش‌لری بیلن روپه‌ره بولگن. اجتماعی ترماقلر فعال‌لریدن بیری نجیب کارگر، اوشبو هیات ترکیبی‌نی قابل قبول بیلمه‌ی و اوشبو هیات ده مملکت بویوک قوم‌لری نظرگه آلینمه‌گن دیگن.
بیراق، حکومت رسانه‌لر و معلومات اداره‌سی باشلیغی دواخان مینه‌پال نینگ سلاموطندارگه ایتیشیچه، اوشبو هیات هرتامانلمه دیر و بوتون قوم‌لردن نماینده‌لیک قیله‌دی.
افغانستان سیاسی و امنیتی وضعیتی جنجلی بولگن بیرحالده، افغانستان دولتی نینگ ۲۲ کیشی‌لیک هایتی مملکت جمهور رییسی محمداشرف غنی رهبرلیگی‌گه آمریکا گه سفر قیلیش‌گه قرار قیلگن.
