جمهوررئیس ملی خوفسیزلیک مصلحتچیسی حمدالله محب بوگون (شنبه ۱۸- دلو) کابل ده خبری بیر ییغین اوتکزیب ایتیشیچه، طالبان گروهی تینچلیک نی تن آلمه‌ی و اوروش گه دوام بیرگن صورتده، امنیتی کوچلرنینگ بوتونلی تیارگرلیگی بار.
جناب محب افغانستان حکومتی تینچلیککه قرشی توسیق‌لیگی خصوصیده طالبان تامانیدن بیریلگن بیانات نی رد قیلیب ایتیشیچه، حکومت مذاکره‌چی هیأتی دوحه گه دیر و بو طالبان دیر کیم تورلی بهانه‌لر بیلن تینچلیک سوزلشوولرینی توختتگن.
شونده‌ی بیرحالده، بوندن آلدین طالبان دوحه کیلیشوونامه‌سی عملی ایتیلمه‌گن صورتده، اوروش گه دوام بیریش‌لرینی بیلدیرگن ایدی.
چیت‌ایللیک کوچلر ۱- می آیی گه قدر مملکت نی ترک قیلیش‌لریگه قرار قیلینگن ایدی، بیراق رویترز خبرگزارلیگی ناتو رسمی‌لریدن نقل قیلیب خبر بیریشیچه، چیت‌ایللیک کوچلر کیلیشوونامه گه تعیین قیلینگن زماندن کوپراق افغانستان قالیش‌لری ممکن.
