جمهور رئیس غنی نینگ موقت حکومت قوریلیشی‌گه قرشی کیلگنیدن سونگ، اونینگ ملی خوفسیزلیک مصلحتچی‌سی، موقت حکومت قوریلیشی بیگانه‌لرنینگ دخالت‌لری اوچون زمینه یره‌ته دیگن.
بوگون “شنبه” ملی خوفسیزلیک مصلحتچی‌سی حمدالله محب نینگ توییتر صحیفه‌سیده یازیشیچه، تینچلیک سوزلشوولر جریانیده، اهالی نینگ جان و مال‌لریدن قول تارتمه‌گنلرنی بیلیش‌لری کیره‌ک کیم، اهالی مردم‌سالارلیک و نظام نینگ ارزشی‌نی بیله‌دی. جناب محب‌گه کوره، مملکتده بیگانه‌لرنینگ آجنداسینی عمل گه آشیریش زمانی اوتگن.
ملی خوفسیزلیک مصلحتچی‌سی اوشبو سوزلرنی طالبان مذاکره قیلووچی هیاتی اورین باسری شیرمحمد عباس استانکزی نینگ صبحتی‌گه قرشی مطرح قیلگن. طالبان مذاکره قیلووچی هیاتی نینگ اورین باسری، اوتگن “پنجشنبه” کونی مسکو ده سوز یورتیب اشرف غنی قدرت دن کنار کیتگن صورتده، طالبان گروهی ینگی حکومت بیلن تینچلیک قیلیش‌گه حاضر بوله‌دی دیگن ایدی.
افغانستان حکومتی و طالبان گروهی نینگ مذاکره قیلووچی هیاتی قطر باشکنتی دوحه‌ده حضور تاپگن‌لر، بیراق حاضرگه‌قدر سوزلشوولر باشلنمه‌ی و هیچ‌قنده‌ی یوتوق قولگه کیلمه‌گن.
