طالبان رهبری هبت‌الله آخندزاده، آمریکا و ناتو تشکیلاتی نینگ حربی‌لرینی افغانستاندن چیقاریشی خصوصیده آلگن قراریدن حمایت بیلدیرگن؛ لیکن دوحه شرطنامه‌سینی نقض قیلینگنی خصوصیده آمریکا نی آگاه‌لنتیرگن. طالبان رهبری رمضان هییتی مناسبتی‌گه بیر پیام نشر قیلیب دوحه شرطنامه‌سی نینگ عملگه آشیریلیشی اوستیگه تاکید قیلگن.
هبت‌الله آخندزاده نینگ ایتیشیچه، دوحه شرطنامه‌سیگه کوره، طالبان محبوس‌لرینی ۳ آی جریانیده آزاد ایتیلیشی کیره‌ک ایدی، لیکن آزاد ایتیلمه‌گن و اوشبو گروه رهبرلری نینگ نام‌لری حاضرگه‌قدر قاره رویخط دن چیقاریلمه‌گن.
سلام‌وطندار اوزبیک بولیمی‌نی فیسبوک‌ده تعقیب قیلینگ
طالبان رهبری نینگ بو پیام ده ایتیشیچه: «دوحه شرطنامه‌سی نینگ ایش‌لرینی ایلگری کیتیشی لازم و تحریک‌لی حرکت‌لردن قول تارتیش کیره‌ک. آمریکا اوز وعده‌سیگه وفا قیلمه‌گن صورتده، یوز بیره‌دیگن واقعه‌لرنینگ مسوولیتی آمریکا بوینیگه دیر.»
دوحه شرطنامه‌سیگه کوره، چیت‌ایللیک کوچلرنی می آیی نینگ بیرینچی تاریخی گچه افغانستاندن چیقیشی کیره‌ک ایدی، بیراق آمریکا و ناتو نینگ اعلان قیلیشیچه، حربی‌لری نینگ افغانستان چیقیش جریانی‌نی ۱۱ سپتامبرگچه یکونله‌نیشی ممکن.
«طالبان تینچلیک نی تنلمه‌گن صورتده، آمریکا جمهوریت دن حمایت قیله‌دی»
خلیلزاد، آمریکا نینگ تینچلیک جریانیدن حمایت قیلیشیدن ایشانچ بیرگن
آنتونی بلینکن: هیچ کیم افغانستانده ایچکی اوروش باشله‌نیش‌گه علاقمند ایمس
اوشبو پیام ده هبت‌الله آخندزاده نینگ کوپه‌یتیریشیچه، دنیا، منطقه و قوشنی ممکت‌لر بیلن یخشی رابطه‌لر قوریش‌لرینی ایسته‌یدیلر و افغانستان توپراغی دن هیچ‌کیم‌گه زیان ییتیشمه‌یشی اوچون ایشانچ بیرگن. او، دنیا مملکت‌لریدن افغانستان ایچکی ایشلریگه دخالت قیلمه‌یشی‌نی سوره‌ب و بیرلشگن ملت‌لر تشکیلاتی و دخیل مملکت‌لردن افغانستان خصوصیده طرف‌سیزلیک‌لرینی کورسه‌تیشینی سوره‌گن.
طالبان رهبری، افغانستان حکومتی‌نی تینچلیک سیاسی جریانی‌نی سبوتاژ قیلیش اوچون سعی و حرکت قیلیش‌گه عیب‌لگن. هبت‌الله آخندزاده نینگ استانبول ییغینیده اشاره قیلیب ایتیشیچه، افغانستان موضوعی نی حل قیلیش اوچون هرقندهی جریان نی طالبان بیلن شریک قیلینیشی کیره‌ک.
ایتیلیشیچه، استانبول ییغینی‌نی ۲۴ اپریل ده یولگه قویلیشی کیره‌ک ایدی، بیراق اوشبو ییغین‌نی یولگه قویه‌دیگنلرنینگ اعلان قیلیشچه، طالبان نینگ اوشبو ییغینده اشتراک قیلمه‌یشی سبب، هییت دن کیینگه تشلنگن.
