طالبان مذاکره قیلووچی هیاتی عضوی سهیل شاهین نینگ آسوشیتدپرس بیلن اوتکزگن صحبتیده ایتیشیچه، کابلده اوروش تامان‌لریگه قابل قبول بیر حکومت ایجاد ایتیلیب و غنی کنار کیتگن صورتده، اوشبو گروه قوراللی‌نی ییرگه قویه‌دی.
اونینگ ایتیشیچه، قدرت نینگ انحصاریگه ایشانمه‌یدیلر، چونکه سابق‌لرده قدرتنی انحصار قیلیش‌گه اقدام قیلگن دولت‌لر موفق ایمس ایدی و انه‌شوو سبب، اوشبو فرمول نی تکرار قیلیش‌نی ایستمه‌یدیلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
طالبان گروهی چیت‌ایللیک کوچلرنی افغانستاندن چیقیش جریانی باشلنگنیدن سونگ، هجوم‌لرینی شدت‌لنتیریب و کوپ‌قطار تومن‌لر و سوداگرلیک بندرلرنی تصرف قیلگنلر.
شاهین نینگ ایتیشیچه، طالبان گروهی گه اوشبو رقم تومن‌لرنی تصرف قیلیش زور ایدی و اوشبو گروه مذکور تومن‌لردن کوپ‌قطارینی اهالی نینگ اره‌لشی باعث، تصرف قیلگن.
بیزلرنی توییتر ده تعقیب قیلینگ
جناب شاهین نینگ آسوشیتدپرس بیلن اوتکزگن صحبتیده جمهور رئیس غنی دن تنقید قیلیب ایتیشیچه، او اوروش سوداگری دیر، چونکه جمهور رئیس غنی هییت بیرنچی کونیده طالبان‌گه قرشی ینگی حربی عملیات یولگه قوییلیشیدن خبر بیرگن.
اونینگ ایتیشیچه، طالبان گروهی نینگ کابل نی حربی یول آرقه‌لی تصرف قیلیش خصوصیده هیچ‌قنده‌ی برنامه‌سی یوق و حاضرده ولایتلر مرکزینی تصرف قیلیشدن باش کوتارگن.
