افغانستان ده بیرلشگن ملتلر تشکیلاتی نینگ اورینباسرلیک هیأت دفتری یا یوناما نینگ اعلام قیلیشیچه، تینچلیک سوزلشوولری حقیقی بولیشی کیرهک و شونینگدیک اوروش نی یکونلنتیرهدیگن و افغانستان اهالیسی گه امید بیرهدیگن یالغیز یول صفتیده اولویت گه قرار تاپیشی کیرهک.
یوناما بوگون بیر خبرنامه ترقهتیب ایتیشیچه، بو موضوع نی افغانستان بوییچه بیرلشگن ملتلر تشکیلاتی نینگ خاص نمایندهسی دیبرا لاینز، طالبان مذاکرهچی هیأتی بیلن اوتکزگن سوزلشووده بیان قیلگن. مذکور اوچرهشوو اوتگن کون قطر پایتختی دوحهده صورت تاپگن و ایکی تامان بیرلشگن ملتلر تشکیلاتی نینگ افغانستان تینچلیک پروسهسیدن حمایت قیلیشی حقیده سوزلشگن.
بیزلرنینگ فیسبوک صحیفهمیزگه باش اورینگ!
- بیرلشگن ملتلر تشکیلاتی افغانستان ده طالبان هجومی کوپهیشی توغریسیده آگاهلنتیرگن
- بیرلشگن ملتلر تشکیلاتی نینگ خوفسیزلیک کینگشی: ریجهلنگن ترورلر تیزلیککه توختهتیلیشی کیرهک
- افغانستان خبرچیلری نینگ جانی سقلهنیشی توغریسیده بیرلشگن ملتلر تشکیلاتی گه یوباریلگن نامه
- «زوروانلیک کمهیتیریلیشی اوچون طالبانگه قرشی بیرلشگن ملتلر تشکیلاتی نینگ تحریملرینی کوچلی بولیشی کیرهک»
شوندهی بیرحالده، افغانستان و طالبان مذاکرهچی هیأتلری آرهسیدهگی سوزلشوولر نیچه آیدن بویان هیچ بیر نتیجه بیرمهگن.
افغانستان دن چیتایللیک کوچلرنینگ چیقیش پروسهسی باشلنگن بیرحالده، طالبان مملکت قطار ولایتلریده هجوملرینی کوپهیتریب و تومنلردن قطاری نی نظارت گه آلگن.