فراه ولایتی کینگش اورین باسری شاه‌محمود نعیمی نینگ سلام‌وطندارگه ایتیشیچه، اوتگن کونی عصر چاغیده اوشبو ولایت نینگ لاش‌وجوین تومنی کامل صورتده، طالبان قولیگه سقوط قیلگن.

فراه ولایتی کینگش اورین باسری نینگ کوپه‌یتیریشیچه، دستلبکی معلومات‌لرگه کوره، اوتگن بیر کیچه و کوندوز ده طالبان هجومی سبب، ملی اردو، ملی پولیس و ملی خوفسیزلیک حربی‌لری شامل ۳۰ کیشی هلاک ایتیلگن.

جناب نعیمی نینگ ایتیشیچه، اوتگن بیر کیچه و کوندوز ده ملی مدافعه و ایچکی ایش‌لر وزیرلیک‌لری، ملی خوفسیزلیک کینگشی و ملی خوفسیزلیک عمومی ریاستیدن نیچه مرته یاردم ایسته‌‎گنلر، لیکن هیچ‌قنده‌‎ی یاردم صورت تاپمه‌گن.

فراه ولایتی کینگش اورین باسری‌گه کوره، طالبان جنگریلری اوتگن کونی بامداد چاغیده اوشبو ولایت نینگ پشت‌رود تومنی‌نی تصرف قیلیب، پولیس قومندانلیگی و امنیتی پوسته‌لرنی تخریب قیلگنیدن سونگ، اوشبو تومن‌دن چیقیب کیتگنلر.

اونینگ کوپه‎یتیریشیچه، اولر اختیاریگه قرار تاپگن گزارش‌لرگه کوره، طالبان گروهی لاش‌وجوین تومنی‌نی تصرف قیلگنیدن سونگ، اناردره تومنی اوستیگه هجوم قیلیش‌گه قرار قیلگن و دقت بولمه‌گن صورتده، اوشبو تومن‌نی هم طالبان قولیگه سقوط قیلیشی ممکن.

شونینگدیک، فراه ولایتی کینگش عضوی خیرمحمد نورزی نینگ لاش‌وجوین تومنی کامل صورتده سقوط قیلگنی‌نی تصدیق‌لب ایتیشیچه، تلفات خصوصیده بیللی رقم یوق، لیکن دستلبکی گزارش‌لرگه کوره، امنیتی کوچلردن ۳۰ ته‌‎سی هلاک، یره‌لنیب و طالبان قولیگه اسیر بولگن.

خیرمحمد نورزی نینگ ایتیشیچه، طالبان گروهی لاش‌وجوین تومنی‌نی تصرف قیلگنیدن سونگ، امنیتی کوچلر بوتون حربی تجهیزات‌لرینی قولگه کیلتیریب و تومن بناسی و امنیتی کوچلر قرارگاهی‌نی تخریب قیلگن.

عین‌حالده، فراه پولیس قومندانلیگی سوزلاچیسی فاروق حضرتی لاش‌وجوین تومنی سقوط قیلگنی خصوصیده صحبت قیلمه‌یدی، لیکن امنیتی کوچلر تلفاتی خصوصیده بیللی آمار قولگه یوق دیدی. اونینگ ایتیشیچه، حاضرده طالبان گروهی‌گه قرشی هوایی هجوم نی دوامی بار.

طالبان گروهی لاش‌وجوین تومنی نینگ سقوط قیلگنی‌نی تصدیق‌لگن، بیراق امنیتی کوچلر تلفاتی خصوصیده فکر بیلدیرمه‌گن.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام