فراه و نیمروز ولایتی کینگش اعضالری، مذکور ولایت‌لرده ۱۸ حربی هلاک ایتیلگنیدن خبر بیریشگن.
فراه ولایتی کینگش اعضاسی خیرمحمد نورزی نینگ سلام‌وطندارگه ایتیشیچه، اوتگن کیچه حربی کوچلردن ۹ ته‌سی طالبان گروهی نینگ بیر نفوذی آدمی آرقه‌لی اولدیریلگن.
اونگه کوره، مذکور حادثه‌ده باشقه ۵ حربی یره‌لنگن و شونینگدیک طالبان مذکور پایگاه نینگ برچه حربی جهازلرینی اوزلری بیلن آلیب کیتگن.
مملکت غربیلده ۲۰۷ ظفر قول اردو قومندانلیگی بو توغریده اوز خبرسیزلیگی نی بیلدیرگن.
باشقه بیر تاماندن نیمروز ولایتی کینگش اعضاسی نعمت‌الله صدیقی نینگ ایتیشیچه، بوگون (چهارشنبه ۲۲- دلو) ایرته‌لب ساعت ۲ اطرافیده طالبان گروهی خاشرود تومنیده‌گی «منار» ناملی حربی کوچلرنینگ بیر کندکی اوستیگه هجوم قیلگن.
جناب صدیقی گه کوره، مذکور آتیشمه ایرته‌لب ساعت ۴ گچه دوام تاپگن و نتیجه‌ده ۹ حربی هلاک، ۵ حربی تن جراحتی کوتاریب و باشقه اوچ کیشی ایسه اسیر آلینگن. شونینگدیک بو آتیشمه‌ده بیر طالب هلاک و باشقه ۹ طالب یره‌لنگن.
نیمروز محلی و امنیتی رسمی‌لری حاضرگچه بو حقده فکر بیلدیرمه‌گن.
شونینگدیک طالبان هم حاضرگچه بو حادثه‌لر حقیده هیچ بیر نرسه دیمه‌گن.
