اوتگن کون اسلام امیرلیگی ایلک مرته، قتل گه عیب‌لنگن بیر کیشی گه قصاص تطبیق بولگنیدن خبر بیرگن. مذکور کیشی گه قصاص تطبیق بولیش جریانیده، اسلام امیرلیگی نینگ رسمی‌لری هم شرکت قیلگن ایکن‌لر.
شونده‌ی بیرحالده، مذکور قصاص کوپینچه عکس‌العمل‌لر بیلن روپه‌ره بولگن. بیرلشگن ملت‌لر تشکیلاتی، بیرلشگن ملت‌لر تشکیلاتی نینگ انسان حق‌لری کینگشی، خلق‌ارا کیچیریم تشکیلاتی، فرانسه تشقی ایشلر وزیرلیگی و افغانستان ده بیرلشگن ملت‌لر تشکیلاتی نینگ اورین‌باسرلیک دفتری هیئتی یا-ده یوناما، اَیری اعلامیه‌لر‌ده مذکور واقعه نی قاره‌لب و اونینگ دوام تاپیشی‌دن توسیق بولینیشی نی ایسته‌گنلر.
یوناما تویتر صحیفه‌سیده یازگن که: «افغانستان نینگ حاضرگی رسمی‌لری اهالی برابریده بیر ایرکک نینگ اعدام بولگنیدن خبر بیرگنلر. بیرلشگن ملت‌لر تشکیلاتی هر شرایط‌ده اعدام گه مخالف دیر و افغانستان نینگ حاضرگی حکومتی‌دن اونینگ توخته‌تیلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
اسلام امیرلیگی یوناما و باشقه بیر قطار خلق‌ارا نهاد‌لر نینگ عکس‌العملی گه قرشی ایتگن که، اسلام شریعتی حکم‌لری نینگ تطبیق بولیشی گه متعهد‌لر.
اسلام امیرلیگی سوزلاوچی اورین‌باسرلریدن بلال‌کریمی نینگ ایتیشیچه، دنیا جماعه‌دن افغانستان نینگ ایچکی ایشلریگه آره‌لشمه‌یشلری نی ایسته‌یدی.
اسلام امیرلیگی سوزلاوچی اورین‌باسرلریدن بلال‌کریمی نینگ کوپه‌یتیریشیچه: «قصاص حکمی نینگ تطبیق بولیشی، اسلام امیرلیگی نینگ فرمایشی ایمس، بلکیم اسلام دینی نینگ حکمی دیر. اسلام امیرلیگی اهالی گه اسلامی بیر توزوم تشکیل بولیشی خصوصیده ایشانچ بیریب و اسلامی توزوم‌ده اسلامی حدودی قائم بوله‌دی که افغانستان نینگ برچه اهالی‌سی و برچه مسلمان‌لر نینگ ایسته‌گی دیر.»
شونده‌ی بیرحالده، بیلرمان‌لر قصاص تطبیق بولیشی نی اسلامی دیگن‌لری بیلن، عدالت تامین بولیشی و اونینگ اجرا بولیشی‌ده کوپراق دقت بولیشی خصوصیده تاکید قیلگن.
حقوق‌دان‌لردن بیری سبحان مطباح نینگ ایتیشیچه: «کیچیریش‌ده خطا قیلیش مجازات تطبیقی‌ده خطا بولیش‌دن یخشی دیر. انه شوو سبب، خدای ناخواسته سونگی صورت تاپگن اوشبو حکم، خطا اساسیده صورت تاپگن بولسه، قتل عمد بوله‌دی که هیچ کیم جواب بیره‌آلمه‌یدی.»
بیزلرنینگ توییترده هم تعقیب قیلینگ!
عین حالده، سیاسی ایش بیلرمان‌لردن قطاری اساسی قانون یوق‌لیگی و دنیا جماعه تامانیدن اسلام امیرلیگی نینگ رسمیت گه تانیلمه‌یشی، شو کبی حکم‌لر نینگ تطبیق بولیشی‌ده عدالت برقرار بولیشی خصوصیده خواطرلنتیرگن.
سیاسی ایش بیلرمان‌لردن بیری ویس ناصری نینگ ایتیشیچه: «اسلام امیرلیگی نینگ قیین‌چیلیگی شو که، حاضرگچه اساسی قانون گه صاحب بولگن ملی، مشروع و مردمی بیر حکومت ایجاد قیله آلمه‌گنلر که، حزب‌لر فعالیت قیلیب و انتخابات بولسه.»
ایتیش کیره‌ک که، قصاص تطبیق بولیشی اساسیده اسلام امیرلیگی رهبری نینگ حکمی‌دن کیین، مملکت‌ده قصاص تطبیق بولیشی کوپه‌یگن و شونینگدیک بوگون پروان ولایتیده ۱۰ عیال و ۱۷ ایرکک شامل ۲۷ کیشی گه قصاص تطبیق بولگن.
