جمهوریت توزومی ده ماسترلیک و دوکتورا بولیم‌لریده تحصیل اوچون چیت ایل بارگن مملکت بیلیم یورت اوقیتووچیلری، قیته دن مملکت گه قیتگنلر.
اولر، اوتگن کون (یک‌شنبه، ۲۲ اسد)، «بیلیم یورت اوقیتووچیلری بیلن باش وزیرلیک نینگ سیاسی اورین باسری» ییغیلیشی ده، حقوق‌لر توله‌نیلمه‌گنیدن شکایت قیلیب عالی اوقوو وزیرلیگی تامانیدن سونگی ایکی ییل ده توله‌نیلمه‌گن حقوق‌لری توله‌نیشینی طلب قیلگنلر.
تخار بیلیم یورتی اوقیتووچیسی هدایت‌الله مدقق نینگ ایتیشیچه: «اسلام امیرلیگی دن چیت ایل گه ماسترلیک و دوکتورا بولیم‌لریده تحصیل اوچون بارگن بیلیم یورت اوقیتووچیلری نینگ حقوق و امتیازلرینی توله‌شینی ایسته‌یمیز.»
بیزلرنینگ توییترده هم تعقیب قیلینگ!
بغلان بیلیم یورتی اوقیتووچیسی وحیدالله جمال گه کوره، عالی اوقوو وزیرلیگی بودجه آزلیگینی بهانه قیلیب و اوقیتووچیلر نینگ حقوق‌لرینی تولمه‌یدی.
او نینگ کوپه‌یتیریشیچه: «عالی اوقوو وزیرلیگی بودجه آزلیگینی بهانه قیلیب، ماسترلیک و دوکتورا بولیم‌لرینی بیتتیریب کیلگن اوقیتووچیلر نینگ حقوق‌لرینی تولمه‌یدی.»
شونینگدیک، بیلیم یورت اوقیتووچیلریدن قطاری عالی اوقوو وزیرلیگی دن، مملکت نینگ بیلیم یورت‌لریده ماسترلیک و دوکتورا بولیم‌لرینی فعال بولیشینی ایسته‌یدیلر.
بیلیم یورت اوقیتووچیسی نوراحمد ایمل گه کوره: «اسلام امیرلیگی، چیت ایل مملکت‌لرده تحصیل قیلیب کیله‌یاتگن بیلیم یورت اوقیتووچیلری گه، قولی‌لیک یره‌تیشی کیره‌ک.»
شو بیلن بیرگه، عالی اوقوو وزیرلیگی مسئوللری نینگ ایتیشلریچه، چیت ایل ده ماسترلیک و دوکتورا بولیم‌لریده تحصیل قیلگن ۴۵۰ اوقیتووچی، قیته دن مملکت گه قیتگنلر.
عالی اوقوو وزیرلیگی سرپرستی ندامحمد ندیم، بیلیم یورت‌لر نینگ حقوق‌لری توله‌نیشی اوستیده تاکیدلب ایتیشیچه، اوشبو وزیرلیک مملکت بیلیم یورت اوقیتووچیلری گه قولی‌لیک یره‌تیلیشی مقصدیده سعی‌وحرکت قیلماقده دیر.
بیزلرنینگ فیسبوک صحیفه‌میزگه باش اورینگ!
اونگه کوره: «چیت ایل ده تحصیل گه مصروف ۴۵۰ اوقیتووچی مملکت گه قیتگن و تورلی مملکت‌لرده باشقه ۲۰۰ اوقیتووچی تحصیل بیلن مصروف دیر، عالی اوقوو وزیرلیگی بیلیم یورت اوقیتووچیلری نینگ حقوق‌لرینی توله‌گن، قطار اوقیتووچیلر نینگ حقوقی تخنیکی قیینچیلیک باعث تولنمه‌گن، تیزلیک بیلن توله‌نیله‌دی.»
اسلام امیرلیگی باش وزیرلیگی نینگ سرپرستی مولوی عبدالکبیر گه کوره، اسلام امیرلیگی بیلیم یورت و مدرسه آره‌سیده‌گی تضاد نی یوق قیلیب و وضعیت‌لری یخشی‌لنیشی اوچون سعی‌وحرکت قیلماقده‌لر.
او نینگ کوپه‌یتیریشیچه: «حاضر بیلیم یورت‌لرده قولی‌لیک یره‌تیلگن، بیلیم یورت‌لرده سیاسی مسئله‌لر گه چیک قوییلگن. اسلام امیرلیگی بیلیم یورت و مدرسه آره‌سیده‌گی تضاد نی یوق قیلیب و وضعیت‌لری یخشی‌لنیشی اوچون سعی‌وحرکت قیلماقده.»
ایتیش کیره‌ک که، افغانستان ده اسلام امیرلیگی حاکمیتیدن کیین، کوپ سانده بیلیم یورت اوقیتووچیلری مملکت نی ترک ایتگن.
